Luis José de Orbegoso

Luis José de Orbegoso y Moncada Galindo (Usquil, Otuzco probintzia, La Libertad departamendua, Peru, 1795eko abuztuaren 25a - Trujillo, 1847ko otsailaren 5a ) militar eta politikari perutarra izan zen. Familia aristokratikokoa zen. Bere herrialdearen independentziaren alde borrokatu zuen, bai militarki, bai bere ondasun pertsonala eskainiz, beste kreole-abertzale askok bezala. Ondoren, Kolonbia Handiaren aurkako gerran parte hartu zuen. Peruko Presidente Konstituzionala izan zen 1833tik 1835era (nahiz eta probisionalki) eta bere karrera politikoa gizarte banaketa sakoneko aro batean eta etengabeko gerra zibil batean zehar garatu zuen, ondorioz, bere gobernua, zenbait unetan, Pedro Bermúdez Ascarza eta Felipe Santiago Salaverry militar kolpistekin batera existitu zen. Matxinada salaverristak jota, Andrés de Santa Cruzen Boliviako inbasioa bultzatu zuen, Peru-Boliviako Konfederazioa ezartzea eragin zuen gerra bat piztu zuena. Ipar-Peruko Estatuko Presidentea (Konfederazio horretako kidea) izendatu zuten, 1837tik 1838ra. Gero boliviar konfederatuak eta txiletar zaharberritzaileak kanporatu nahi izan zituen, baina Portada de Guíasko Konbatean garaitua izan zen. Horrek bere karrera politikoaren amaiera markatu zuen.

Luis José de Orbegoso
Irudi gehiago
Bizitza
Jaiotza	Huamachuco (en) , 1795eko abuztuaren 25a
Herrialdea	Espainia
Heriotza	Trujillo, 1847ko otsailaren 5a (51 urte)
Familia
Seme-alabak	ikusi Nemecio Orbegoso (en)
Hezkuntza
Hizkuntzak	gaztelania
Jarduerak
Jarduerak	politikaria eta militarra