Luis García Meza

Luis García Meza
	;
; 68. Boliviako presidentea	; 1980ko uztailaren 17a - 1981eko abuztuaren 4a ; ← Lidia Gueiler Tejada - Celso Torrelio →
; 68. Boliviako presidentea
Bizitza
Jaiotza	La Paz, 1929ko abuztuaren 8a
Herrialdea	Bolivia
Heriotza	La Paz, 2018ko apirilaren 29a (88 urte)
Heriotza modua	berezko heriotza: miokardio infartu akutua
Hezkuntza
Hizkuntzak	gaztelania
Jarduerak
Jarduerak	politikaria
Zerbitzu militarra
Adar militarra	Bolivian Army (en)
Gradua	Jeneral
Sinesmenak eta ideologia
Erlijioa	katolizismoa
Alderdi politikoa	hautagai independente

Luis García Meza Tejada (La Paz, 1929ko abuztuaren 8a - ib., 2018ko apirilaren  29) boliviar militar, politikari eta diktadorea izan zen. Boliviako presidentea izan zen 1980ko uztailaren 17tik 1981eko abuztuaren 4ra arte.

Artikulu hau Boliviako presidenteari buruzkoa da; beste esanahietarako, ikus «Luis García».

Bizitza

1947. urtean Akademia Militarrean sartu zen, zaldunerian, eta behin graduazioa lortu zuelarik karrera militarra egin zuen. Hainbat zeregin bete zituen gudarostean, besteak beste Gudarostearen Eskola Militarreko komandante izendatu zuten 1976an, eta 1979an; Natusch koronelaren estatu-kolpearen ondoren, komandante orokor izendatu zuten. Beste estatu-kolpe baten ondoren Errepublikako lehendakaritza hartu zuen, 1980. urtean. Horretarako, Argentinako 601 Inteligentzia Batailoiaren laguntza izan zuen.

"Demokrazia ezartzea eta herritar guztientzako justizia, bakea eta segurtasuna lortzea" zen bere helburua, hasierako hitzaldian esan zuenez, baina bere agintaldian zapalkuntza, ustelkeria eta narkotrafikoaren babesa nagusitu ziren. 1981. urtean, Errepublikako Batzar Orokorraren esku utzi behar izan zuen bere kargua.

1989an Boliviako Kongresuak Luis García Meza atxilotzeko agindua eman zuen, besteak beste, hilketak, jazarpena, narkotrafikoa, Estatuaren konstituzioa ez errespetatzea eta giza eskubideen kontrako erasoak egin izana leporatu ziotelarik. Urte hartan bertan ihes egin zuen, baina, 1994an atxilotu zuten Sao Paulon. Atxiloketa gertatu eta berehala eskatu zuen Boliviak estradizioa, eta bere eskaera onartu zen arren, ezin izan zuten 1995. urtea arte estraditatu. Chonchocoroko espetxean egon zen 1995-2008 bitartean. Osasun arazoak zirela-eta, Cossmilgo ospitale militarrera eraman zuten, eta bertan hil zen 2018an.[1]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Molina, Fernando. Muere a los 88 años el exdictador boliviano Luis García Meza. EL Pais egunkaria, 2018ko apirilak 30, elpais.com (Noiz kontsultatua: 2019-5-29).

Ikus, gainera

Datuak: Q467929

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Molina, Fernando. Muere a los 88 años el exdictador boliviano Luis García Meza. EL Pais egunkaria, 2018ko apirilak 30, elpais.com (Noiz kontsultatua: 2019-5-29).