Luis Aranburu

Pio Luis Aranburu Martinez de San Bizente —ezagunagoa Luis Aranburu izen-deiturez— (Gasteiz, Araba, 1905eko urtarrilaren 8 – 1999ko maiatzaren 5a) organista eta musikagilea zen. Juan Santiago Aranburu zuen aita.

Luis Aranburu
Bizitza
Jaiotza	Gasteiz, 1905eko urtarrilaren 8a
Herrialdea	Araba, Euskal Herria
Heriotza	Gasteiz, 1999ko maiatzaren 5a (94 urte)
Hobiratze lekua	Santa Isabel hilerria
Familia
Aita	Juan Santiago Aranburu
Hezkuntza
Hizkuntzak	gaztelania
Ikaslea(k)	ikusi José Enrique Ayarra Jarne (en)
Jarduerak
Jarduerak	organista, musikaria, musikagilea, piano-jotzailea eta musika-irakaslea
Jasotako sariak	ikusi Gasteizko Urrezko Domina  (1985)
Musika instrumentua	organoa

José Domingo Ugartetxea karmeldarrarekin ikasi zuen harmonia. Ondoren piano, organo, biolontxelo eta tronpa ikasketak egin zituen, eta Bilboko kontserbatorioan baliozkotu zituen bere ikasketak.

Gaztetatik San Mikel parrokiako korua zuzendu zuen, eta hango organista izan zen berrogeita hamar urte baino gehiagoan. 1934tik 1936ra arte Eusko Abesbatzako zuzendari izan zen, eta Vesako koruena 1937tik 1938ra arte. Ondoren, 1945etik 1953ra arte Gasteizko orfeoiaren zuzendaria izan zen.

Jesus Guridirekin eta Jose Tomas Uruñuelarekin batera lan egin zuen, Txistulari argitalpenean, 1928az geroztik. 1970ean, Espainian den habanera sari bakarra eskuratu zuen, Torreviejan (Alacant), Aurora habanerarekin.

Urte askotan zehar, Gasteizko kontserbatorioko piano-irakaslea izan zen, eta hango zuzendari 1974tik 1979ra. Ondoren, Gasteizko elizbarrutiko apaizgaitegian eta Sagrado Corazon ikastetxean ere izan zen irakasle. Horrez gain, eskola partikularrak ematen zituen.

Pio Luis Aranburuk eginak dira Estampas vitorianas direlakoak; eta orobat 1986ko irailean Gasteizen estreinatutako Fantasía para violoncello y orquesta, Gasteizko Udalak enkargatutako lana, Jesus Guridi omentzekoa.