Lugoko erromatar harresiak

Lugoko erromatar harresiak Galiziako Lugo hiriburuaren gune historikoa inguratzen du. K. a 13. urtean Paulo Fabio Maximok Augusto enperadorearen izenean Lucus Augusti antzinako erromatar hiria sortu zuen. Sorrera horren helburua Erromatar Inperioak Iberiar penintsularen ipar-ekialdea bereganatzea zen, hiri berri hau harresiz hornitu zuten eta ordutik aurrera aldaketa gutxirekin gaur egun arte iraun du.

Lugoko erromatar harresiak
UNESCOren gizateriaren ondarea Kultura ondasuna
Irudi gehiago
Kokapena
Estatu burujabe	Espainia
Autonomia	Galizia
Probintzia	Lugoko probintzia
Galiziako udalerrien zerrenda	Lugo
Koordenatuak	43°00′51″N 7°33′36″W
Gizateriaren ondarea
Irizpidea	(iv)
Erreferentzia	987
Eskualdea[upper-roman 1]	Europa eta Ipar Amerika
Izen-ematea	2000 (XXIV. bilkura)
BIC	RI-51-0000191
UNESCOk egindako sailkapenaren arabera

Harresiak 2 km-ko luzera du, gune historikoa eta gaur egungo galiziar hiriaren arteko muga marrazten duelarik. Hiriaren bilakaera eta hazkuntzarako oztopo izatetik, hiri egituran integratua dagoen eta aberastasun turistikoaren iturribide den monumentu izatera igaro da.

Banaketa eta defentsa gisara eraikia, antzinako Lucus hiria eta bere inguruan garatu den hiriaren arteko elementu integratzailean bihurtu da. Bere hamar ateek hiri baten zati bat bestearekin lotzeko funtzioa dute. Adarve beste kale batean bilakatu da, bertakoek eta kanpotar bisitariek zeharkatzen dutelarik.

2000. urtean Unescok Lugoko erromatar harresia Gizateriaren Ondare izendatu zuen eta 2007ko urriaren 6etik aurrera Txinako Harresi Handiarekin senideturik dago.