Louis Vierne

Louis Vierne (Poitiers, 1870eko urriak 8-Paris, 1937ko ekainak 2), organo-jotzaile eta konposatzaile frantziarra izan zen.

Louis Vierne
Irudi gehiago
Bizitza
Jaiotza	Poitiers, 1870eko urriaren 8a
Herrialdea	Frantzia
Heriotza	Paris, 1937ko ekainaren 2a (66 urte)
Hobiratze lekua	Montparnasseko hilerria
Heriotza modua	berezko heriotza: miokardio infartu akutua
Familia
Anai-arrebak	ikusi René Vierne (en)
Hezkuntza
Heziketa	Parisko Kontserbatorioa Institut National des Jeunes Aveugles (en)
Hizkuntzak	frantsesa
Irakaslea(k)	Charles-Marie Widor César Franck
Ikaslea(k)	ikusi Nadia Boulanger Omer Létourneau (en) Alexander Schreiner (en)
Jarduerak
Jarduerak	musikagilea, organista eta musika-irakaslea
Enplegatzailea(k)	Parisko Kontserbatorioa Parisko Schola Cantorum
Jasotako sariak	ikusi Ohorezko Legioko zalduna
Genero artistikoa	sinfonia musika klasikoa
Musika instrumentua	organoa

Ia erabat itsu zegoen jaio zenetik. Behin bere familia Parisen bizitzen jarri zenean, 1877an, Institution des Jeunes Aveuglesen musika ikasketak hasi zituen, eta nota oso altuak lortuta lizentziatu. Geroago, Cesar Franck, Charles Marie Widor, Alexandre Guilmant eta Eugene Gigoutekin ikasten segitu zuen. Viernek organo frantziarraren tradizioa luzatu zuen. Saint-Sulpice elizan organo-jotzailea izan zen eta, 1900ean, Charles Vidorrek bultzatua, Parisko Notre Dame katedraleko organo-jotzaile titularra aukeratzeko lehiaketara aurkeztu zen, beste ehundaka hautagairekin batera. Postua lortu zuen, eta hil arte mantendu zuen, Notre-Dameko organoarekin bere 1750. ekitaldian Stèle pour un enfant défunt jotzen ari zela, 1937ko ekainaren 2an hil zen arte[1].

Musika hizkuntza propioa garatu zuen, harmonia eta asmakuntza aldetik aberatsa, konplexua kontrapuntu teknikan eta, sarritan, orkestrala kontzeptuan. Haren lanen artean, organorako bere 6 sinfoniak, eta, bereziki, bere 24 fantasiazko lanak eta estilo askeko 24ak nabari dira: inprobisatzaile ospetsua izan zen. Zenbait ganbera musika eta piano lan ere idatzi zituen.