Louis Pouzin

Louis Pouzin (Chantenay-Saint-Imbert, Nièvre, 1931ko apirilaren 20a) frantziar informatikaria da.

Louis Pouzin
Irudi gehiago
Bizitza
Jaiotza	Chantenay-Saint-Imbert, 1931ko apirilaren 20a (92 urte)
Herrialdea	Frantzia
Hezkuntza
Heziketa	École polytechnique (1950 - 1953)
Hizkuntzak	frantsesa
Jarduerak
Jarduerak	informatikaria eta ingeniaria
Enplegatzailea(k)	Société industrielle des téléphones (en)  (1953 -  1957) Bull (enpresa)  (1957 -  1967) Institut National de Recherche en Informatique et en Automatique (en)  (1971 -  1980) National Centre for Telecommunications Studies (en)  (1980 -  1989)
Lan nabarmenak	ikusi Presentation and major design aspects of the CYCLADES computer network (en)
Jasotako sariak	ikusi Queen Elizabeth Prize for Engineering  (2013ko martxoaren 18a) IEEE Internet Award  (2001) Internet Hall of Fame  (2012ko apirilaren 23a) SIGCOMM Award  (1997) Ohorezko Legioko ofiziala  (2018ko abenduaren 31)

Eskola Politeknikoan ikasketak egin ondoren, industrian lan egin zuen lehenbizi, eta MIT Institutuan, gero. Han, Fernando Corbatók zuzendutako MAC proiektuan, Multics sistema prestatzeko lanean, parte hartu zuen (1965-1967), eta shell kontzeptua azaldu zuen, sistemako eta haren inguruko aginduen hizkuntza izendatzeko. Multics sistema aitzindaria izan zen, eta sistema hartako ideia asko gaur egungo Unixen aurki daitezke. 1971tik 1976ra, CYCLADES proiektua zuzendu zuen INRIA informatika-ikerketetako erakundean. Proiektu horri esker, Pouzinen taldea nagusi izan zen orduan sortzen ari zen ordenagailu-sareen alorrean. 1976tik 1980ra, INRIAko proiektu pilotuak zuzendu zituen Louis Pouzinek, eta CNET telekomunikazio-erakundean sartu zen gero, non sareen alorreko ikerketak bultzatu baitzituen. 1992az geroztik, aholkularitzan eta irakaskuntzan aritu da. Erretiroa hartu eta gero, NLIC Ama Hizkuntzaren Interneteko Partzuergoko Administrazio Batzordearen zuzendari izendatu zuten, eta Interneteko eleaniztasunaren defendatzaile da. 2003an, Ohorezko Legioko zaldunaren intsignia eman zioten.