Louis Ignarro
Louis José Ignarro (Brooklyn, New York, AEB, 1941eko maiatzaren 31 -) estatubatuar farmakologoa da.
| Louis Ignarro | |
|---|---|
.jpg.webp) | |
| Bizitza | |
| Jaiotza | Brooklyn, 1941eko maiatzaren 31 (82 urte) |
| Herrialdea |  Ameriketako Estatu Batuak |
| Bizilekua | Ameriketako Estatu Batuak |
| Hezkuntza | |
| Heziketa | Minnesotako Unibertsitatea Columbia University College of Pharmaceutical Sciences (en)  Long Beach High School (en) |
| Hizkuntzak | ingelesa |
| Jarduerak | |
| Jarduerak | biokimikaria, farmakologoa, farmazialaria eta unibertsitateko irakaslea |
| Enplegatzailea(k) | Kaliforniako Unibertsitatea Los Angelesen Tulane Unibertsitatea Saud Erregea Unibertsitatea |
| Jasotako sariak | ikusi
|
| Kidetza | Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia |
Biografia
Farmazia ikasi zuen Columbiako Unibertsitatean 1962tik 1966ra, eta farmakologia, gero, Minnesotako Unibertsitatean. 1979tik 1985era, irakasle izan zen Tulane Unibertsitateko Medikuntza Eskolako Farmakologia Sailean (New Orleansen), eta, 1985ean, Los Angelesko Unibertsitateko Medikuntza Eskolan, sail berean.
Endotelioan sortutako lasaitasun faktorearen, EDRFren, izaera kimikoa aurkitzeko egin ziren ikerketetan parte hartu zuen. Analisi bikainak egin zituen, eta EDRF nitrogeno-oxidoa (NO) dela ondorioztatu zuen 1986an, Robert Furchgottekin batera, baina bakoitzak bere aldetik. 1996an, Furchgottek eta Ignarrok elkarrekin eman zuten hitzaldiak ikerketa ugari bultzatu zituen mundu osoko laborategietan. Horrela sortu zen gas batek organismoan seinale molekular gisa jardun dezakeelako lehen egiaztapena.
Sari ugari jaso ditu, besteak beste, 1998ko Medikuntza eta Fisiologiako Nobel saria, Robert F. Furchgottekin eta Ferid Muradekin batera, sistema kardiobaskularrean nitrogeno-oxidoak seinale molekularraren lana egiten duela aurkitu izanagatik.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak
- (Ingelesez) Louis Ignarroren webgunea
| Autoritate kontrola |
|
|---|
Datuak: Q309820
Multimedia: Louis Ignarro / Q309820