Lo Congrès

Lo Congrès (Lo Congrès Permanent de la Lenga Occitana) edo Okzitanieraren Kongresu Iraunkorra okzitaniera arautzen duen eskualde arteko instituzio zientifiko independentea da. 2011n sortu zuten Euskaltzaindiaren antzeko erakunde hau, baina okzitanierarekin. Okzitanierari bizitasuna ematea eta haren garapenean laguntzea du helburu, hura ezagutzeko eta kodetzeko lan egiten du, okzitanieraren hainbat esparrutarako (lexikografia, lexikologia, terminologia, neologia, fonologia, ortografia, gramatika eta toponimia) tresnak sortuz.[1][2]

Lo Congrès
Datuak
Izen ofiziala
Lo Congrès Permanent de la Lenga Occitana
Motaassociation under the French law of 1901 (en) Itzuli, akademia eta hizkuntz arauemailea
HerrialdeaFrantzia eta Okzitania
Agintea
ZuzendariaBenoît Dazéas (en) Itzuli
Egoitza nagusi
Legezko formaassociation under the French law of 1901 (en) Itzuli
Historia
Sorrera2011ko abenduaren 16a
2011
webgune ofiziala

Ekintza-printzipioen arabera jarduten du, hala nola batasuna errespetatzea eta okzitanoaren aniztasuna, egonkortasuna, Oc lurraldeko hizkuntza-eskualdeen adierazgarritasuna, erabakien elkargokidetasuna eta informazioaren hedapena.

Horrela, Europako Batasuneko hiru estaturi (Frantzia, Espainia, Italia) buruzko okzitanieraren erakunde eta federazio historikoak biltzen ditu Kongresuak. Akitania, Languedoc-Roussillon, Midi-Pyrénées eta Rhône-Alpes eskualdeak biltzen ditu kide publikoen artean, eta Kultura eta Komunikazio Ministerioaren laguntza du.

Lehenago 1996tik Conselh de la Lenga Occitana erakundeak arautzen zuen hizkuntza, baita Institut d'Estudis Occitans ere, elkarterik zaharrena eta eragileena izan zena.

Hizkuntza-Teknologia

Hizkuntza-teknologiarako oinarri diren Okzitanierarako baliabideak eta tresnak ari dira garatzen azken urteetan. 2018tik Lo Congrès erakundea eta Toulouseko CNRS Ikerketa Zientifikoko Zentro Nazionala ari dira alor horretan Elhuyar Fundazioarekin eta EHUko Ixa Taldearekin lankidetzan.[3][4][5][6][7][8]

  • Còrpus deu Congrès. [9]
  • Hiztegi elebakarra: ohiko hitzen bilduma okzitanieraz
  • Hiztegi elebiduna: ohiko hitzen bilduma okzitanieraz eta haien ordainak beste hizkuntza batzuetan
  • Analisi morfosintaktikoa: hitzen erroa, aurrizkiak eta atzizkiak banatzea
  • Analisi sintaktikoa: taldeak osatzen dituzten hitz-segidak ezagutzea
  • VOTZ: Okzitanierazko hizketaren sintesia. Funtsezkoa gailu mugikor ugariren interfazerako
  • ReVOc: Okzitanierazko hizketa-ezagutzailea
  • Reversida: Frantses-okzitaniera bikotearen itzulpen automatikoa
  • Okzitanierazko testuen detektagailua: testu batean okzitaniera identifikatzea
  • Okzitanieraren aldaerez idatzitako testuen detektagailua: okzitanieraren aldaerak identifikatu eta desberdintzea

Erreferentziak
  1. «Lo Congrès - Istoric» locongres.org (Noiz kontsultatua: 2020-05-19).
  2. Partzuergoa – Interreg Poctefa Linguatec. (Noiz kontsultatua: 2020-05-19).
  3. Partzuergoa – Interreg Poctefa Linguatec. (Noiz kontsultatua: 2020-05-19).
  4. Baliabideak – Interreg Poctefa Linguatec. (Noiz kontsultatua: 2020-05-19).
  5. «Linguatec proiektua abian jartzeko lehen bilera Elhuyarren» Elhuyar (Noiz kontsultatua: 2020-05-19).
  6. (Ingelesez) «Meeting of LINGUATEC project in Donostia (2019-02-21)» Ixa Group. Language Technology. (Noiz kontsultatua: 2020-05-19).
  7. Baliabideak – Interreg Poctefa Linguatec. (Noiz kontsultatua: 2021-06-18).
  8. (Okzitanieraz) «LINGUATEC» Lo Congrès permanent de la lenga occitana (Noiz kontsultatua: 2021-06-18).
  9. «Còrpus deu Congrès» corpus.locongres.com (Noiz kontsultatua: 2020-05-19).

Ikus, gainera

Kanpo estekak
  • (Okzitanieraz)«LINGUATEC» Lo Congrès permanent de la lenga occitana Noiz kontsultatua: 2021-06-18.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.