Lillian Hellman

Lillian Florence Hellman (1905eko ekainaren 20a; 1984ko ekainaren 30a) Ameriketako Estatu Batuetan jaiotako antzerkigile eta zinema gidoilaria izan zen. Ideia aurrerakoien defendatzaile sutsua, harreman luze eta estua izan zuen Dashiell Hammett idazlearekin; itxura batean honek asmatutako Nora Charles literatur pertsonaia Lillian zuen oinarri. Dorothy Parker idazlearekin ere oso hurbileko tratua izan zuen. Hellmanen antzezlan ezagunenak The Children's Hour, The Little Foxes eta Toys in the Attic dira. Hirurak ala hirurak zinemarako egokituak izan ziren arrakasta handiz. 1952an Lillian Hellman HUAC (House Un-American Activities Commnitee) delakoaren aurrean agertzeko agindua jaso zuen. Hellmanen lagun izandako Hammett Ameriketako Estatu Batuetako Alderdi Komunistako kidea izana zen, eta berori lotura nahikoa izan ei zuten aitortzera deitzeko. Erantzuna, ordea, ez zuten espero: "Ez da gizalelekoa, zikina oso eta nazkagarria baizik, aspaldi ezagutu nuen jendea salatzea neure burua aske ikusteko". Ondorioz zerrendetarako bidea (blacklist) egin zuen eta lanerako aukera sasoi luze baterako ukatu zioten.

Lillian Hellman
(1939) Irudi gehiago
Bizitza
Jaiotza	New Orleans, 1905eko ekainaren 20a
Herrialdea	Ameriketako Estatu Batuak
Lehen hizkuntza	ingelesa
Heriotza	Dukes konderria (Massachusetts), 1984ko ekainaren 30a (79 urte)
Heriotza modua	berezko heriotza: miokardio infartu akutua
Familia
Bikotekidea(k)	ikusi Dashiell Hammet
Hezkuntza
Heziketa	Columbia Unibertsitatea New Yorkeko Unibertsitatea
Hizkuntzak	ingelesa
Jarduerak
Jarduerak	antzerkigilea, gidoilaria, idazlea, autobiografialaria, libretista eta aktorea
Lantokia(k)	Ameriketako Estatu Batuak
Jasotako sariak	ikusi National Book Award  (1970) Paul Robeson Award  (1976) Fellow of the American Academy of Arts and Sciences honorary doctor of Brandeis University Ladies' Home Journal Women of the Year  (1975)
Kidetza	Ameriketako Estatu Batuetako Arte eta Letren Akademia Arteen eta Zientzien Ameriketako Estatu Batuetako Akademia
Genero artistikoa	antzezlana