Leslie Feinberg

Leslie Feinberg (Kansas City 1949ko irailaren 1a – Syracuse 2014ko azaroaren 15a) AEBtako mari-mutil, zuri anti-arrazista, langile klasekoa, judu sekularra, transgeneroa, lesbiana, komunista iraultzailea eta ‘transgeneroen askapena’ kontzeptu marxista gisa teorizatu zuen idazlea izan zen.[1]

Leslie Feinberg
Bizitza
Jaiotzako izen-deiturakDiane Leslie Feinberg
JaiotzaKansas City, 1949ko irailaren 1a
Herrialdea Ameriketako Estatu Batuak
BizilekuaSyracuse
Buffalo
New York
HeriotzaSyracuse, 2014ko azaroaren 15a (65 urte)
Heriotza moduaberezko heriotza: Lymeko gaitza
Familia
Bikotekidea(k)
Hezkuntza
HeziketaBennett High School (en) Itzuli
Hizkuntzakestatubatuar ingelesa
Jarduerak
Jarduerakmilitante politikoa, autorea, eleberrigilea, idazlea, eskubide zibilen aldeko ekintzailea, kazetaria eta LGBT ekintzailea
Lan nabarmenak
Jasotako sariak
KidetzaNational Writers Union (en) Itzuli
Pride at Work (en) Itzuli
Sinesmenak eta ideologia
Alderdi politikoaWorkers World Party (en) Itzuli
transgenderwarrior.org
IMDB: nm3133397 Twitter: lesliefeinberg Edit the value on Wikidata

1993an Mari-mutil handi baten bluesa eleberria argitaratu zuen (jatorrizko izenburua, Stone Butch Blues) eta 1996an Borrokalari transgeneroak: Historia eginez, Joana Arc-ekotik Dennis Rodman-enganaino fikziozkoa ez den lana (jatorrizko izenburua, Transgender Warriors. Making History from Joan of Arc to Dennis Rodman). Haren idazkiak, bereziki aipatutako biak, oinarri izan ziren genero-ikasketen terminologiarako eta ezagutzarako, eta tresna izan ziren gai horiek publiko zabalari ekartzeko.

Idazlanak

Feinbergen lehenbiziko nobelak, 1993ko Mari-mutil handi baten bluesa (Stone Butch Blues) liburuak, Lambda literatur saria irabazi zuen, eta, 1994an, Ameriketako Liburutegi Elkartearen Gay eta Lesbianen Liburuen saria. Liburuak baditu antzekotasunak Feinbergen biziarekin, langile klaseko mari-mutil lesbiana zen aldetik, baina liburua ez da autobiografikoa. Bigarren eleberria, Drag King Dreams, 2006an argitaratu zen.

Fikziozkoak ez diren liburu hauek idatzi zituen: Trans Liberation: Beyond Pink or Blue, 1998koa, eta Borrokalari transgeneroak: Historia eginez, Joana Arc-ekotik Dennis Rodman-enganaino (Transgender Warriors: Making History from Joan of Arc to Dennis Rodman), 1996koa. 2009. urtean argitaratu zuen Rainbow Solidarity in Defense of Cuba: kazetaritzako 25 artikuluren bilduma.

Mari-mutil handi baten bluesa eta Borrokalari transgeneroak euskarara ekarri ditu Fermin Zabalza[2] eta Katakrak-ek argitaratu ditu.[3]

Ibilbide politikoa

Feinberg Munduko Langileen Alderdiko kidea zen.

Kanpo estekak

Erreferentziak
  1. «Leslie Feinberg | Katakrak» katakrak.net (Noiz kontsultatua: 2022-11-07).
  2. «NorDaNor | EIZIE» nordanor.eus (Noiz kontsultatua: 2023-01-08).
  3. Arrese, Gorka. «Askatasunaren aldeko borroka eta idazketa» Berria (Noiz kontsultatua: 2023-01-08).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.