Leopoldo Torre Nilsson

Leopoldo Torre Nilsson
	; Irudi gehiago
Bizitza
Jaiotza	Buenos Aires, 1924ko maiatzaren 5a
Herrialdea	Argentina
Heriotza	Buenos Aires, 1978ko irailaren 8a (54 urte)
Hobiratze lekua	La Chacarita hilerria
Heriotza modua	berezko heriotza: hezurretako minbizia
Familia
Aita	Leopoldo Torres Ríos
Hezkuntza
Hizkuntzak	gaztelania
Jarduerak
Jarduerak	film-zuzendaria eta gidoilaria
	torrenilsson.com.ar

Leopoldo Torre Nilsson (Buenos Aires, Argentina, 1924 - ib., 1978) argentinako zinemagilea izan zen.

Zuzendari berri askoren filmak ekoiztu zituen; Argentinako zinemagile garrantzitsuenetako bat izan zen.

Biografia

Leopoldo Torre Ríos zinemagilearen semea zen eta aitaren laguntzaile gisa hasi zen zineman lanean. Kultura handiko gizona zen, literatura eta zinema oso ondo ezagutzen zituena.

Graciela (1956) du bere lehen filma. Hasierako filmetan gizarte zapuztu baten ametsak, kezkak eta frustrazioak adierazi zituen, askotan bere emazte Beatriz Guidoren eleberrietan oinarriturik: La casa del ángel (1957, Aingeruaren etxea), La caída (1959, Eroraldia), La mano en la trampa (1961, Eskua segadan).

Zentsurak proiektu asko debekatu zizkion eta koprodukzio kaskarrak eta Argentinaren historiako pertsonaiei eta gertakariei buruzko film batzuk egin zituen: Martín Fierro (1968), Estirpe de raza (1970), Güemes: la tierra en armas (1971).

Gero Roberto Arlt, Manuel Puig eta Bioy Casares idazleen eleberrietan oinarritutako filmak egin zituen: Los siete locos (1973), Boquitas pintadas (1974), La guerra del cerdo (1975).

Kanpo estekak

(Gaztelaniaz) Leopoldo Torre Nilssonen webgune ofiziala

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q716563
Multimedia: Leopoldo Torre Nilsson / Q716563

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.