Leonor Varela

Leonor Magdalena Varela Palma[1] (Santiago, 1972ko abenduaren 29a) aktore eta modelo txiletarra da. Ipar Amerikako, Latinoamerikako eta Europako hainbat film ekoizpenetan parte hartu du eta hainbat publizitate kanpainen aurpegia[2] izan da ere.[3]

Leonor Varela

Bizitza
JaiotzaSantiago, 1972ko abenduaren 29a (51 urte)
Herrialdea Txile
 Frantzia
Familia
AitaFrancisco Varela
Hezkuntza
Hizkuntzakgaztelania
Jarduerak
Jarduerakaktorea, bozeramailea, modeloa eta zinema aktorea
leonor-varela.com
IMDB: nm0007237 Allocine: 29415 Allmovie: p270385
Instagram: la_leovarela Edit the value on Wikidata

1995ean egin zuen bere debuta Europako telebistan, Pony Trek suediar telefilmarekin. Baita ere Frantziako eta Txileko serie eta film desberdinetan bigarren paperak izan zituen. Baina 1998an The Man in the Iron Mask filmean parte hartu zuelako, Leonardo DiCapriorekin batera, bere izenari ospea eman zion Hollywooden. Ondorioz, Cleopatra eta Jeremiah bezalako telefilm eta Blade II eta Innocent Voices filmetako protagonista bilakatu zen.

Politikatik urrun jarraitzen duen pertsona izan arren, oro har, Barack Obama AEBetako presidentearen eta Michelle Bachelet Txileko presidentearen kanpainetan parte hartu du.

Ibilbidearen Hasiera

Aktore ikasketak amaitzen ari zan bitartean[4], Islandian grabatutako Pony Trek suediar haurrentzako filmean parte hartu zuen. Frantziako serieetan hainbat agerraldi egin zituen ere, hala nola Le Juste, Extrême limite eta Sous le Soleil.

Pantaila handian egin zuen lehenengo saioa Le ciel est à nous filmean izan zen.Urte berean Leonardo DiCapriorekin eszena labur bat grabatuko zuen The Man in the Iron Mask filmean, gero Hollywoodera eramango zuena.

Geroago, Leonorrek, Txilera bidaiatu zuen eta bertan Tic tac telenobelan izan zen protagonista, hau, bere herrialdean ezaguna egin zen rola izan zen.

Saria

2005eko urtarrilean, Innocent Voices film mexikarrean, Leonor Varelak pertsonai nagusietako bat izan zuen. Los Angelesen egindako ekitaldian Stanley Kramer saria, gizarte gaiei eskainitako saria, lortu zuen rol honekin.

Erreferentziak
  1. «Leonor Varela Biography (1972-)» www.filmreference.com (Noiz kontsultatua: 2021-04-29).
  2. «EyN: Grandes tiendas ya partieron con sus campañas publicitarias para la temporada otoño-invierno» www.economiaynegocios.cl (Noiz kontsultatua: 2021-04-29).
  3. «Leonor Varela - Biografía de Leonor Varela» www.biografias.es (Noiz kontsultatua: 2021-05-31).
  4. (Gaztelaniaz) «Descubre más sobre Leonor Varela» Famous Birthdays (Noiz kontsultatua: 2021-05-31).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.