Leipzigeko gudua

Leipzigeko gudua Napoleondar Gerretako gudurik handiena izan zen. 1813. urteko urriaren 16tik 19ra bitartera iraun zuen batailak, Leipzigen izan zen (Alemaniako Saxonia estatuan), eta Napoleon Bonapartek inoiz izan zuen porrotik handiena jasan behar izan zuen, Seigarren Koalizioaren garaipen erabakigarriarekin.

Leipzigeko gudua
Napoleondar Gerrak
Seigarren Koalizioaren Gerra
Data	1813ko urriaren 16tik 19ra
Lekua	Leipzig, Saxonia
Koordenatuak	51°15′N 12°38′E
Emaitza	Koalizioaren erabateko garaipena
Gudulariak
Frantziako Lehen Inperioa Varsoviako dukerria Italiako Erresuma Napoliko Erresuma Saxoniako Erresuma (Urriaren 16-17)  Errusiar Inperioa Austriar Inperioa Prusiako Erresuma  Suedia Saxoniako Erresuma (Urriaren 18-19)
Buruzagiak
Napoleon I.a Elchingengo dukea Ragusako dukea Tarantoko dukea Bellunoko dukea Poniatowski printzea† Joakim I.a Frederiko Augusto I.a Alexandro I.a Barclay De Tolly printzea Benningsen kondea Platov kondea Schwarzenbergko printzea Karlos Joanes printzea Von Blücher kondea
Indarra
195.000 soldadu 430.000 soldadu
Galerak
38.000 erori 20,000 atxilotu 54.000 erori

Alde batetik zeuden Napoleon Bonaparteren esanetara Frantziako Lehen Inperioko armada, Poniatowski printzearen esanetara Varsoviako Dukerri Handikoa, Saxoniako Frederiko Augusto I.aren esanetara Saxoniako Erresumako armada, eta Rhingo Estatuen Konfederazioko armada. Denera, 191.000 soldadu inguru izan ziren batailan. Amaieran, gutxi gorabehera 38.000 hildako eta zauritutako izan ziren, eta beste 30.000 preso hartu zituzten.

Beste aldetik, Errusiako frantziar inbasioaren saiakerako porrotaren ondorioz eratutako Seigarren Koalizioan batuta zeuden Errusiar Inperioa, Prusiako Erresuma, Austriar Inperioa eta Suediako Erresuma, Karl Philipp Schwarzenbergen, Gebhard Leberecht von Blücher-en, eta Karlos XIV.a Joan Suediakoa eta Norvegiakoaren esanetara. Denera, 330.000 soldadu inguru izan ziren batailan, baina beste asko ere prest zeuden behar izanez gero. Amaieran 52.000 hildako eta zauritu izan zirela uste dute.

Napoleonek Alemania menperatu nahi zuen, eta hiri batzuk nolabait hartuta zituen arren, ezin izan zuen gudu erabakigarri hau irabazi. Leipzig hirian bataila oroituz hainbat monumentu daude.