Leila Ross-Shier

Leila Elberta Ross-Shier, jaiotzez Leila Elberta McTaggart, (Kaiman Handia uhartea, 1886ko azaroaren 16a – 1968ko irailaren 26a) kaimandar liburuzain, irakasle eta musikagilea izan zen. Kaiman uharteetako ereserki nazionala moldatu zuen, Beloved Isle Cayman.

Leila Ross-Shier
Bizitza
JaiotzaGrand Cayman (en) Itzuli, 1886ko azaroaren 16a
HeriotzaGrand Cayman (en) Itzuli, 1968ko irailaren 26a (81 urte)
Jarduerak
Jarduerakliburuzaina, irakaslea eta musikagilea

Bizitza

1886ko azaroaren 16an jaio zen Kaiman Handia uhartean, William Henry McTaggart eta Emily Ann Boddenen familian[1]. Irakasle, liburuzain eta jaiotzen eta heriotzen erregistratzaile ofizial gisa lan egin zuen[2]. Ikasle guztiak irakurtzera animatu zituen, azalaren kolorea edozein dela ere, garai hartan arraza-segregazioa izan arren[2].

1930ean, Beloved Isle Cayman abestia moldatu zuen[3]. Gainera, ereserkiak eta baladak idazten zituen, kontzertuak antolatzen zituen eta elizako organista izan zen[2].

1959an, Kaiman uharteetako emakumeei bozkatzeko eskubidea emateko eskaera sinatu zuen[2].

1968ko irailaren 26an hil zen Kaiman Handia uhartean[1].

Bizitza pertsonala

Bentley Augustus Rossekin ezkondu zen eta bi seme-alaba izan zituzten, Leila Emily eta Arthur Bently. Senarra hil ondoren, Samuel William Shierrekin ezkondu zen[1].

Erreferentziak
  1. (Ingelesez) Wilcox, Georgina. «Leila Elberta Ross-Shier composer of National Song remembered» Cayman iNews 2013-10-22 (Noiz kontsultatua: 2023-11-27).
  2. (Ingelesez) Winker, Carol. «Singing the praises of National Song composer» Cayman Compass 2018-09-27 (Noiz kontsultatua: 2023-11-27).
  3. (Ingelesez) «National Song» Cayman Islands Government jatorrizkotik artxibatua (artxibatze data: 2019-11-25) (Noiz kontsultatua: 2023-11-27).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.