Leagi dorretxea

Leagi dorretxea (jatorriz Leaegi[1]) Mendexan kokatutako XVI. mendeko jauregia da.[2]

Leagi dorretxea
Kokapena
Herrialdea Euskal Herria
Probintzia Bizkaia
HerriaMendexa
Historia eta erabilera
Eraikuntza XVI. mendea

    Kokapena
    Leagi dorretxea, goiko muinotik ikusita.

    Dorretxea Leagi auzoan kokatua dago.[2]

    Historia

    Etxea XVI. mendekoa da,[3] XVII. mendean moldatua jauregi barroko erara.[4]

    Eraikina
    Fatxada nagusia.

    Eraikinaren egitura orokorra errenazentista da, baina baoen sistema barrokoa da.[4]

    Eraikinaren oina angeluzuzena da, eta kubo kamuts forman eraikia dago. Hormak harlangaitzezkoak dira, eta baoak, ertzak eta aurre aldearen zati handi bat harlanduzkoa. Estalkia lau isurikoa da.[4]

    Fatxada nagusiko bao guztiek harrizko leihoburu zuzena dute. Ate nagusiaren alde banatan bi leiho borobil ditu. Goiko solairu biek launa leiho dituzte fatxada nagusi honetara, leiho-barren landuekin. Lehen solairuko erdiko leiho biek leihoburu bakarra dute, eta haren azpian armarri bat:[4] Leagi familiarena da, eta bertan luma eta molorrikaz orlatutako kaskoa eta behealdean ume edo aingerutxo bi, gorago laurdenetan banatutako armak ageri dira, lehenengoa eta laugarrena basurdea eta bigarrena eta hirugarrena zortzi muturreko izarra.[2]

    Alboko fatxadetako baoek erregulartasun gutxiago dute, eta txikiagoak dira.[4]

    Erreferentziak
    1. (Gaztelaniaz) «LEAGI - Auñamendi Eusko Entziklopedia» aunamendi.eusko-ikaskuntza.eus (Noiz kontsultatua: 2020-10-18).
    2. «Mendexako Udala - Leagi Dorretxea» www.mendexa.net (Noiz kontsultatua: 2020-10-18).
    3. «Casa Torre Leagi - Landa Garapenerako Alkartea Lea Artibai - LGA» www.leaartibai.eu (Noiz kontsultatua: 2020-10-18).
    4. «Patrimonio Artistico De Euskadi - hiru» www.hiru.eus (Noiz kontsultatua: 2020-10-18).
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.