Las Ubiñas-La Mesa natura parkea

Las Ubiñas-La Mesa natura parkea
Las Ubiñas-La Mesa natura parkea
	Parque natural de Las Ubiñas-La Mesa
	;
	Las Ubiñas-La Mesa natura parkea
Azalera	45.162 ha
Izendapena	parke natural
Sorrera	2014
Arduraduna	Asturiasko Printzerria

Las Ubiñas-La Mesa natura parkea (gaztelaniaz: Parque natural de Las Ubiñas-La Mesa eta asturieraz: Parque natural de Les Ubiñes-La Mesa) Asturiasko natura parkea da, Kantauriar mendikatearen erdialdean kokatuta dagoena, Printzerria eta Leongo probintziaren artean. Zehazki, barne hartzen ditu Teverga, Quirós eta Ḷḷenako udalerri asturiarrak.

2006ko maiatzean natura parke izendatu zuten, eta 2012ko uztailaren 11an UNESCOk Biosfera erreserbatzat hartu zuen.

Irispideak

Lau dira irispide nagusiak Parkera sartzekoak:

Leongo probintziatik: Caldas de Lunatik (Sena de Luna) Villablinorantz Babiako lurretan sartuz, San Emiliano udalerritik barrena Ventanako mendatetik.
Asturiasko Printzerriatik: Beste hiru sarbide ditugu: Teverga udalerritik (La Plaza auzotik edo lehen aipatutako Ventanako mendatetik), Quirós udalerritik (Lindes edo Ricabo auzoetatik) eta Ḷḷena udalerritik (Tuiza auzotik).

Ubiñako mendigunea

Europako mendiak eta gero hauxe da Asturiasko bigarren mendigune nagusia, 2.000 metrotik gorako tontorrekin. Taja, Valdecarzana eta Páramo ibaiek sortutako ibarrek osatzen dute ingurunea. Azken horretan, Val de Sampedro izenekoan, Cueva Huertako monumentu naturala dago.

Hauek dira tontor nagusiak:

Peña Ubiña (2414 m)
Fontán Norte (2417 m)
Fontán Sur (2417 m)
El Crestón del Pasu Malu (2377 m)
Prau Fontán (2357 m)
El Siete (2356 m)
Peña Ubiña Pequeña (2197 m)
Fariñentu (2168 m)
Peña Rueda (2152 m)
El Tapinón (2108 m).

Flora

Balio ekologiko handia duten antzinako basoak ditu Parkeak, bereziki pagadiak (%75a). Halaber, haritzak, urkiak, aginak, lizarrak eta astigarrak daude.

Fauna

Kantauriko hartz arre batzuk hemen bizi dira, basurde (Sus scrofa), orkatz (Capreolus capreolus), orein (Cervus elaphus) eta sarrioekin batera (Rupicapra rupicapra). Hegaztien artean Kantauriko basoilarra, putreak eta arrano beltzak aipatzekoak dira.

Bibliografia

Adrados, Miguel Angel. Cordillera Cantábrica, Macizo de Peña Ubiña. Mapa topográfico excursionista 1:25.000 (Oviedo, Adrados Ediciones 1998).
Fernández Ortega, Angel. Peña Ubiña "Macizo de Ubiña (Lena)" (Oviedo, Nobel Ediciones 2005).
Huerta, Toño. Rutas en el Macizo de Ubiña (Madril, Ediciones Desnivel 2014).

Kanpo estekak

(Gaztelaniaz)Parkearen irudi galeria.

Datuak: Q5838648
Multimedia: Las Ubiñas-La Mesa Natural Park / Q5838648

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.