Laritz dorrea

Laritz dorrea (batzuetan Lariz idatzia) Bizkaiko Durango udalerrian kokatzen den dorretxea da. XV. mendearen bukaeran eraiki zen eta 2009an eraberritua Durangoko turismo bulegoaren egoitza izateko.[1] Durangoko Alde Zaharrean kokaturik dago eta herriko eraikin zibil zaharrena da.

Artikulu hau Durangoko etxeari buruzkoa da; beste esanahietarako, ikus «Laritz (argipena)».
Laritz dorrea
 Eraikitako euskal ondasun nabarmena
Alde Zaharra (Durango)
Kokapena
Herrialdea Euskal Herria
Probintzia Bizkaia
HerriaDurango
Koordenatuak43°09′58″N 2°37′56″W
Map
Historia eta erabilera
Eraikuntza XV. mendea
Arkitektura
Estiloapizkundetar arkitektura
Solairuak4
Ondarea
EJren ondarea24

    Historia

    Laritz dorrea izen bereko sendiaren jabetzakoa izan zen. Lariz/Laritz familia itzal handikoa izan zen, Durangon zein eskualde osoan hainbat lursailen jabe.[2]

    Hedatua dago Gaztelako Isabel I.a erreginak bertan egin zuela lo 1483. urtean, foruak zin egitera etorri zela. Dena den, udaleko artxibategiko dokumentuen arabera argi dagoen bakarra Martín Ybannes de Laris-en etxean lo egin zuela da; Laritz familiak, ordea, hainbat eraikin zituen Durangon.[3]

    Laritz dorrearen jatorria Leinu gerretan eraiki ziren dorretxeetan dago baina hauek ez bezala hiri-dorrea da, defentsa funtzioa hain beharrezkoa ez duena, eta beraz, horizontaltasunari edo baoen tamainari baino aurrealde nagusiaren dekorazioari lehentasuna ematen dio[4].

    Deskribapena

    Hiri-jauregi errenazentista da, eraikuntzaren aldetik kalitate handikoa eta apaindura jorikoa.[1] Lau angeluko oinplanoa du, eta lau solairu: behekoa, solairuartea, solairu nagusia eta ganbara. Alde nagusia harlanduz egina du eta modu simetrikoan antolatua dago.[5]

    Erreferentziak
    1. Lariz dorrea, Durangoko turismoaren webgunean.
    2. Bengoetxea, B. Arqueología de las murallas urbanas medievales en el País Vasco. Nuevas vías interpretativas. Veleia, 24-25, 2007-2008, 1150 orrialdea. (Gaztelaniaz)
    3. La nueva-vieja Torre de Láriz (Gaztelaniaz)
    4. Lariz Torre (Gaztelaniaz)
    5. Lariz dorrea

    Kanpo estekak
    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.