Ladakh

Ladakh ("mendate altuetako lurraldea") Jammu eta Kaxmir estatuko hiru eskualdeetako bat da, Siachen glaziarra eta Karakorum artean kokaturik. Indus ibaiak zeharkatzen du, Tibetetik etorrita. Bere biztanleen kultura tibetarrekin lotura estua du.[1]

Ladakh
 India
Administrazioa
Herrialdea India
ISO 3166-2IN-LA
HiriburuaLeh eta Kargil (en) Itzuli
Geografia
Koordenatuak34°10′00″N 77°35′00″E
Azalera59.196 km²
MugakideakJamnu eta Kaxmir eta Himachal Pradesh
Demografia
Biztanleria274.289 (2011)
Dentsitatea4,63 bizt/km²
Hizkuntza ofizialahindi eta ingeles
Ordu eremuaUTC+05:30
ladakh.nic.in

60.000 km² inguruko azalera dauka eta 275.000 bat biztanle, gehienak budistak direlarik, gutxiengo musulmanarekin. Leh da hiriburua (30.870 biztanle 2011an), eta bigarren hiri nagusia Kargil da (16.338). Klima oso muturrekoa da urtaro batetik bestera. Politikoki, lurralde ezegonkor batean dago kokatuta, India, Pakistan eta Txina artean. Aksai Chin mugako lurraldearekin gatazka nagusia da.

Bost zonaldetan dago banatuta: Ladakh, Nubra, Zanskar, Rupshu eta Kargil.

Barrutiak

Hona hemen bere barrutiak:

BarrutiaHiriburuaAzalera (km²)Biztanleria
2001eko errolda		Biztanleria
2011ko errolda
Kargil barrutiaKargil14.036119.307143.388
Leh barrutiaLeh45.110117.232147.104

Historia

Erdi Aroan, musulmanen inbasioa jasan zuten, XIII. mendetik XVI. menderaino. Orduan sortu zuten Namgyal dinastia, Bhagan erregearen eskutik, gaur egun arte iraun duena.

XVI. mendearen amaieran Baltiek konkistatu zuten lurralde hau. Hurrengo mendean, Tibeten aurkako gerran sartu ziren, Bhutanen alde kokatuz. XX. mendean eratu zuten gaur egungo estatua, Jammu eta Kaxmirrekoa.

2010eko Pakistango uholdeek gogor jo zuten lurraldea.

Geografia
Argazki panoramikoa.

Lurralde mugakideak ditu Ladakh-ek iparraldean Baltistan eta Xinjiang (Txina), ekialdean Aksai Chin eta Xinzang (Tibet), hegoaldean Himachal Pradesh, hego-mendebaldean Punjab (Pakistan) eta mendebaldean Baltistan berriro ere.

Zazpi mila metroko mendiak daude zonalde honetan, Nun (7.135 m) eta Kun (7.077 m). 1953an lehehengo aldiz igo zuten bietako altuena, Bernard Pierre eta Pierre Vittoz-ek gidatutako espedizio frantziar-suitzar batek egindakoa.

Irudi galeria
  • Likirretik gertu.
    Likirretik gertu.
  • Indus eta Zanskar ibaien bategitea.
    Indus eta Zanskar ibaien bategitea.
  • Dharampalako tenplua (Leh).
    Dharampalako tenplua (Leh).
  • Karakorumeko ekialdea, Nubrako ibarretik.
    Karakorumeko ekialdea, Nubrako ibarretik.
  • Bertako emakumea, jantzi tradizionalekin.
    Bertako emakumea, jantzi tradizionalekin.

Erreferentziak
  1. Gillespie, A.. (2007). Ivana Marková & Alex Gillespie ed. In the other we trust: Buying souvenirs in Ladakh, north India. in: Trust and distrust: Sociocultural perspectives. Greenwich, CT: Information Age Publishing, Inc..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.