La Perla bainuetxea

La Perla bainuetxea Gipuzkoako Donostia hiriburuko Erdialdea auzoan bainuetxe eta jatetxe bat da. Hain zuzen ere, Kontxako badian dago, izen berdineko Kontxako pasealekuan eta Aita Binuesa plazan, Kontxako hondartza aurrez-aurre duelarik.

Artikulu hau Donostiakoari buruzkoa da; beste esanahietarako, ikus «La Perla hotela».


La Perla bainuetxea
 Eraikitako euskal ondasun nabarmena
Kostaldeko Donejakue bidea Kostaldeko Donejakue bidea
Kokapena
Herrialdea Euskal Herria
Probintzia Gipuzkoa
UdalerriaDonostia
Koordenatuak43°18′55″N 1°59′21″W
Map
Historia eta erabilera
EraikuntzaXX. mendea -
Arkitektura
ArkitektoaAntonio Kortazar
EstiloaArkitektura eklektikoa
Ondarea
EJren ondarea647

    Historia

    Kontxako erdian kokatua, egurrezko bainuetxe bat egon zen bertan. Bere balkoiek laurogeita hamar metro luze zituzten eta egunero dirudun turisten bilera leku ziren. Bertan saloi zentral bat zegoen, hainbat bainuetxe zerbitzuekin, baita hondartzara jaisteko kabinak zein marea beherarekin funtzionatzen zuen zaldiz tiratutako tranbia bat.

    1908an Udaletxeak erabaki zuen berritzea, zaharkituta geratu zelako. Eraikina 1912ko uztailaren 2an ireki zen berriro, harriz eta hormigoiz eginda[1]. Antonio Kortazar arkitekto donostiarrak diseinatu zuen multzoa, ondoko mendebalderaxeago dagoen Errege-erreginen bainuetxe edo kaseta bezalaxe.[2]

    1924an jokua debekatu zen Donostian eta, hainbat krisiren ostean, eraikina gainbeheran sartu zen, jarduerarik gabe eta ia erortzeko arriskuarekin. 1960an Donostian lehenengo dantzaldiak antolatzen hasten dira, berriro ere. 1961an Aurelio eta Andrés Sabadell Martínezek Udaletxeari eraikina alokatu zioten dantzalekua egiteko bertan.

    1990an Udaletxeak La Perla konplexua eraberritzea erabaki zuen. 1991ko otsailean ateak itxi zituen eta 1993an beheko pisu guztia eraitsi eta berreraiki zen, Joaquín Zubiriaren proiektua jaraituz. Honela jatorrizko eraikinaren funtziora itzuli zen, talasoterapia eskainiz jaietarako gune izateaz gain.

    2013ko azken erreformarekin 5.500 m2eko eremua hartzen du.

    Ikus, gainera

    Galeria

    Erreferentziak
    1. Turismo y hoteles en la tarjeta postal : (1900-1975), Donostia-San Sebastián, Gipuzkoa. (1ª ed. argitaraldia) L. Gómez 2012 ISBN 8461598768..
    2. (Gaztelaniaz) PPLL. (2007-08-12). «Los arquitectos» El Diario Vasco (Noiz kontsultatua: 2024-03-21).

    Kanpo estekak
    Euskarazko Wikipedian bada atari bat, gai hau duena:
    Donostia


    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.