Kurkumina

Kurkumina diarilheptanoide bat da. Hego Asiako kurkuma espeziaren kurkuminoide nagusia da. Zingiberaceae landare familiako Curcuma longa espezietik ateratzen da.[1] Kurkumina konposatu polifenolikoa da, bi O-metoxi fenoliko talde ditu.[1] Kurkumaren beste bi kurkuminoideak desmetoxikurkumina eta bis-desmetoxikurkumina dira.[1]

Kurkumina
Formula kimikoaC21H20O6
SMILES kanonikoa2D eredua
SMILES isomerikoa
COC1=C(C=CC(=C1)/C=C/C(=O)CC(=O)/C=C/C2=CC(=C(C=C2)O)OC)O
MolView3D eredua
Konposizioakarbono, hidrogeno eta oxigeno
Motabiogenic alkylphenol (en) Itzuli
Ezaugarriak
Fusio-puntua173 °C
Masa molekularra368,125988 Da
Erabilera
Konposatu aktiboaturmeric (en) Itzuli
ElkarrekintzaE1A binding protein p300 (en) Itzuli
RolaAntiinflamatorio ez esteroideo, antineoplasiko, Entzimen inhibitzaile, Pan-assay interference compounds (en) Itzuli eta Zapore indartzaile
Identifikatzaileak
InChlKeyVFLDPWHFBUODDF-FCXRPNKRSA-N
CAS zenbakia458-37-7
ChemSpider839564
PubChem969516
Reaxys2306965
Gmelin3962
ChEMBLCHEMBL140
RTECS zenbakiaMI5230000
DSSTox zenbakiaMI5230000
EC zenbakia207-280-5
ECHA100.006.619
CosIng55538
MeSHD003474
RxNorm2955
Human Metabolome DatabaseHMDB0002269
KNApSAcKC00002731
UNIIIT942ZTH98
KEGGC10443
PDB LigandCC9

Kolore hori-laranja du, pH-aren araberakoa dena. pH-arekiko ezegonkorra da.[2] pH alkalinoak kolore laranja bat emango dio, azidoak aldiz, horia.[2] Argia eta erredox potentzialarekiko ere egonkortasun baxua du, tenperaturarekiko aldiz, egonkorra da.[2]

Kurkumina boroaren kuantifikazioa egiteko erabil daiteke. Azido borikoarekin erreakzionatzen du, kolore gorriko konponsatua sortuz, rosozianina.

Janariak koloreztatzeko erabiltzen da. Koloratzaile gaitasunagatik, forma komertzial interesgarrienak oleorresina, (%40-55eko purutasuna) eta kurkumina purua (%90-95eko purutasuna) dira.[2] Koloratzaile izateaz gain, aromatizatzaile eta antioxidatzailea ere bada[3]. Janarien aditibo gisa agertzen denean E100[2] zenbakia du.

Erabilera Nutritiboa

Kurkumina erlatiboki gutxi xurgatzen da hestean, eta xurgatutakoa behazunaren bidez azkar kanporatzen da. Horregatik piperbeltz beltzarekin elkartzen da, honek kurkuminaren xurgapena 2000 aldiz handitzen baitu. [4] [5]

Izan ere, kurkumina azkar metabolizatzen da, gibelean konjugatzen da eta gorozkien bidez iraizketa egiten da. [3]

Metabolito sekundario honen arazoa bere bioerabilgarritasun baxua da. Beraz, kurkumina beste konposatuekin elkartzea beharrezkoa da. Besteak beste, fosfolipidoak. Hauek kurkuminaren xurgapena hobetzen dute eta ondorioz, bioerabilgarritasuna eta jarduera ere. [3]

Funtzioak [6]

Landare honen errizoma laranjak aurkezten dituen konposatu fitokimikoek, kurkuminoideak deituak, funtzio sendagarri garrantzitsuak ematen dizkio landareari.

Antioxidatzaile naturala

Kurkuminak, erradikal askeak neutralizatzen ditu, oxidazioa saihestuz, eta norberaren entzima antioxidatzaileak bizkortzen ditu.

Hanturaren aurkako funtzioa

Hanturaren aurkako gaitasuna da, NF- kB molekulak blokeatzen baititu, hanturarekin loturiko geneak desaktibatuz. Artritisa pairatzen zuten 45 pazienterekin egindako ikerketa batean, kurkuminak, hantura mailak murriztu zituen. [6] (88. orrialdean)

Minbiziaren aurkako funtzioa

Tumoreen hazkuntza eta metastasia murrizteko gaitasuna du.

Funtzio antimikrobianoa

Bakterio patogeno, birus zein onddoen hazkundea inhibitzen du

Gomendioak

Kurkuma koloratzailea gutxi xurgatzen da hesteetan eta xurgatzen den hori azkar kanporatzen da behazun bidetik.[4] Toxizitate oso gutxi du. Eguneko dosi onargarri maximoa OMErentzat 0,1 mg/kg-ko koloratzaile eta 0,3 mg/kg oleorresina da.[4]

Iturriak

Kurkumina kurkumaren edo azafrai indioaren errizomatik aurkitzen da, bertatik lortzen baita. [2]

Hainbat plater edo elikagaien prestakuntzan erabiltzen da, koloratzaile edota aromatizatzaile gisa. Hala nola; mostaza, haragi produktu, esneki deribatu, likore, opil, saltsa, entsaladaren ongailu, marmelada, izozki, zopa eta salda prestakin, arrain-kontserba, eskabetxeetan… [2] [4]

Arrain-kontserbetan kopuru legal maximoa 200mg/kg da; kontserba begetaletan eta jogurtan, 100mg/kg eta gazta freskoan, 27 mg/kg. [4]

Horrez gain, kurkumina hainbat elikagai espeziatuetan erabiltzen da. Besteak beste, curry-a dutenak, okindegi produktuak, gaztak, ongailuak eta haragi produktuak. [3]

Gaixotasunak

Kurkumina landare sendagarri bezala erabiltzeak kontraindikazioak ere eragin ditzake. Koloratzaile honek, antikoagulanteen efektua indartu ditzake, dosi altuetan hartuta. Haurdunaldian eta edoskitzaroan hartzea ez da gomendagarria, oraindik efektuak ez baitira ezagutzen. Gainera, dosi oso altuak hartuta, urdaileko mukosaren narritadura sortaraz dezake. Heste ultzera duten gaixoetan ere, kontsumoa saihestu beharko da.  Horregatik era kontrolatu batean kontsumitu beharko da. [6]

Erreferentziak
  1. Xu, Xiao-Yu; Meng, Xiao; Li, Sha; Gan, Ren-You; Li, Ya; Li, Hua-Bin. (2018-10-19). «Bioactivity, Health Benefits, and Related Molecular Mechanisms of Curcumin: Current Progress, Challenges, and Perspectives» Nutrients 10 (10)  doi:10.3390/nu10101553. ISSN 2072-6643. PMID 30347782. PMC PMCPMC6213156. (Noiz kontsultatua: 2019-05-13).
  2. (Gaztelaniaz) Cubero, Monferrer, Villalta, Nuria, Albert, Jordi. (2002). Aditivos Alimentarios. Mundi-Prensa.
  3. (Gaztelaniaz) Hughes, Christopher. (1994). Guía de aditivos. Acribia S.A.
  4. (Gaztelaniaz) Calvo, Miguel. (1991). Aditivos Alimentarios. Propiedades, aplicaciones y efectos sobre la salud.. Mira S.A.
  5. (Gaztelaniaz) Figueruelo Arnáiz, Víctor. (PDF) La Curcumina y sus funciones. .
  6. (Gaztelaniaz) Saiz de Cos, Paula. (PDF) Cúrcuma I (Curcuma longa L.). .


Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.