Kurigalzu II.a

Kurigalzu II.a, Babiloniako dinastia kasitarreko errege bat izan zen, K.a. XIV. mendean, K.a. 1332 eta K.a. 1308 bitartean.

Kharakardashen anaia, babiloniar nobleek hil zutena bere jatorri asiriarragatik, Ashur-uballit I.a errege asiriarrak ezarri zuen, bien aitona zena. Hala ere, Ashur-uballit hil zenean, Kurigalzu Asiriaren aurka altxatu zen, baina garaitua izan zen eta bi herrialdeen arteko muga zuzentze bat egin zen. Jarraian, Elamen aurka borrokatu zuen, Babiloniaren beste etsai tradizionala, Khurpatila erregea garaile irten zelarik eta Susa okupatuz.

Estela batean, Kurigalzuk, gerlari bati, honek Asiriaren aurkako gerran agertu zuen ausardiaren opari bezala eginiko lur emate bat kontatzen du. Praktika honek, ohikoa bihurtu zena, emaitza bezala, lurraren jabeen klase pribilegiatu baten agerpen eman zuen, erregearekin, mendekotasun eta leialtasun loturekin lotuak. Ziuraski, gerra gurdiak gidatzen zituzten eliteko tropa babiloniarrak osatu zituen klasea izan zen.