Kuartil arteko ibiltarte

Estatistikan, kuartil arteko ibiltartea sakabanatze neurri absolutu bat da. Honela izendatu eta kalkulatzen da:

Kuartil arteko ibiltartea erdiko datuen %50ak hartzen duen tartearen zabalera da. Kaxa diagraman kaxaren zabalerarekin dator bat.

${\displaystyle I_{Q}=Q_{3}-Q_{1}\,}$,

non Q₁ eta Q₃ lehenengo eta hirugarren kuartilak diren hurrenez hurren.

Zenbat eta handiagoa izan, sakabanatzea handiagoa izango da, baina ezin da finkatu balio bat sakabanatze handia erakusten duenik. Dagokion sakabanatze neurri erlatiboa, datu-multzo ezberdinen sakabanatzeak erkatzeko, kuartil arteko ibiltarte erlatiboa da.