Kromosfera

Kromosfera (literalki "kolorezko esfera"), Eguzkiaren atmosferako geruza mehe bat da, fotosferaren gainetik dagoena. Azken ereduek, 2200 eta 5000 kilometroko lodieran kokatzen dute. Optikoki, espektro ikusgaian, kromosfera, fotosfera baino gardenagoa da, baina, irrati behaketetan, nagusiki milimetrikoan, kromosfera ongi beha daiteke.

Eguzkiaren irudia, H-alfa irazkia duen teleskopioaz.

Eguzki kromosfera, nagusiki, hidrogeno eta helioz osatua dago. Espektro behaketek, metalak egoera neutroan eta partzialki ionizatuak daudela frogatu dute, kaltzioaren K lerroa eta CNarena bezalako zerrenda molekularraren kasuan bezala.

Tresna berezirik gabe ezin da ikusi, fotosferaren distira handiak ezkutatu egiten baitu, baina, bere kolore gorrixka, eguzki eklipse oso batean edo argi iragaziarekin ikus daiteke, Hα kasu.

Kromosferaren ezaugarririk garrantzitsuena, eguzki espikulak daudela da, hatz formako gas proiekzioak, tamaina handikoak, soropil hosto itxurakoak, ondoan duen koroarantz hazten direnak. Kromosferatik kanpora hazten dira, eta, ondoren, berriz hondoratzen dira, 10 minutuko tartean.

Beste ezaugarri nabarmen bat, gasez eratutako zuntzño horizontalen presentzia da, espikulen antzerakoak, baina, gutxi gora-behera, hauen bikoitza irauten dutenak.

Azkenik, eguzki protuberantziak, fotosferarantz igotzen dira altura ikaragarrietara, ia 150.000 kilometroraino. Eguzki fenomenorik ikusgarri eta arraroenetako bat dira.

Izar batzuen kromosferaren gainean, trantsizio gune bat dago, non, tenperatura, azkar igotzen den eguzki koroaraino, eguzkiaren atmosferaren kanpoaldereneko zatia eratzen duena.