Krokodiloa ohe azpian

Krokodiloa ohe azpian, Mariasun Landa idazle errenteriarrak idatzitako liburua da, Haur eta Gazte Literaturan sailkatua, baina gazte eta helduei zuzendua. Liburuaren ilustratzailea Antton Olariaga da. 2002an argitaratu zen liburua lehen aldiz, Alberdania argitaletxearen bidez, eta 2015an berrargitaratu zuen Erein argitaletxeak. Espainiako Haur eta Gazte Literaturaren Sari Nazionala eskuratu zuen Mariasun Landak liburu honekin, 2003an.

Krokodiloa ohe azpian
Datuak
IdazleaMariasun Landa
Argitaratze-data2002, lehen edizioa Alberdania argitaletxea
GeneroaEleberria
Jatorrizko izenburuaKrokodiloa ohe azpian
ArgitaletxeaAlberdania
HerrialdeaEuskal Herria
IlustratzaileaAntton Olariaga
Orrialdeak88
ISBN978-84-9746-940-1
Datu gehigarriak
Bideo hau Ikusgela proiektuaren parte da.
Bideo hau Ikusgela proiektuaren parte da.
Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.
Mariasun Landa eta XX. mendeko haur eta gazte literatura

Argumentua

Gizon arrunt bat da liburuko protagonista, ohitura arruntak dituena. Baina halako batean arrunta ez den zerbait gertatuko zaio: krokodilo bat ikusiko du bere ohe azpian. Egoera surrealista horretatik abiatuta, eta umore ukitu finez, gertaera korapilatuz doa autorea, amaiera biribil batera iristen den arte. [1]

Gaia

Bakardadea da Kokodriloa ohe azpian liburuko gai nagusia. Hain zuzen ere, gaur egungo gizon batek sentitzen duen hutsuneari eta horrek sortzen dion tristurari buruzko kontakizuna da.

Hala ere, Mariasun Landak, umore kutsuarekin lantzen du gaia, eta, beraz, gazteen psikologian sartu eta era berean entretenitzeko balio dien liburua da. Gazteek ez ezik, helduek irakurtzeko ere aproposa da.

Mariasun Landaren ustez, denok dugu krokodilo bat ohe azpian, eta krokodilo hori ezagutu eta hari aurre egin behar diogu. [2]

Estiloa

Kontakizunak erritmo azkarra darama, esaldien sinpletasunaren eta zuzentasunaren ondorioz.[2]

Pertsonaiak
  • Juan Jose, protagonista nagusia: Bulegari arduratsu eta lasai bat da. Beti gauza berdinak egiten zituen etxera itzultzean. Lanean, begiko zuen neska bat zegoen, Elena deiturikoa. Baina, oso lotsatia zenez ez zen ausartzen ezer esatera.
  • Elena: Juan Joseren laneko neska bat. Oso lasaia eta liraina. Bera ere oso lotsatia da, eta istorioan zehar, Juan Joserekin harreman estua erakusten du.
  • Eulalia: Bulegoko langilerik beteranoena da eta seme bat balitz bezala hartzen du J.J.
  • Zeferino (Zefe): Harakin altua eta indartsua. J.J. herrira iritsi zenetik duen lagun bakarra.
  • Botikaria: Paper garrantzitsua du liburuan, izan ere, J.J.-ren gaixotasunaren zergatia (bakardadea) hautematen duena da.[3] [4]

Espazioa [4]
  • J.J.-ren pisua.
  • Bulegoa.
  • Medikuaren kontsulta.
  • Botika.

Sariak

Ikus, gainera
  • Euskarazko liburu ezagunen zerrenda

Erreferentziak
  1. Krokodiloa ohe azpian liburuaren argumentua. .
  2. Liburuaren analisia. .
  3. Mariasun Landa eta Krokodiloa ohe azpian. .
  4. (Gaztelaniaz) Sofía López-Ballesteros Garcíaren analisia. .
  5. Berria arikulua. .

Kanpo estekak
Zirriborro Artikulu hau zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.