Krojantyko karga

Krojantyko karga edo Krojantyko gudua[1] zalditeria poloniarraren karga izan zen 1939ko irailaren 1eko arratsaldean, Bigarren Mundu Gerraren lehen egunean, Krojanty herri pomeraniarretik gertu. Poloniako inbasioaren hasieran gertatu zen eta Tucholako Basoko guduaren partetzat hartzen da. Chojniceko guduaren ostean, Poloniako soldaduak ekialderantz joan ziren trenbidetik, Chojnice hiritik 7 kilometrora zegoen bidegurutzeraino. Han, Poloniako zalditeriak Alemaniako infanteriako batailoi baten aurka kargatu eta sakabanatu zuten. Inguruko baso batetik agertu ziren blindatu alemaniarren metrailagailu-suak erretiratzera behartu zituen poloniarrak. Hala ere, erasoak atzeratu egin zuen Alemaniaren aurrerapena, eta Poloniako Fusilarien 1. Batailoiari eta Czersk Talde Operatiboari berriro batzeko denbora eman zien.

Krojantyko karga
Poloniaren inbasioa
Erasoaren mapa eskematikoa
Data1939ko irailaren 1
Koordenatuak53°43′32″N 17°37′55″E
EmaitzaAlemaniar garaipena
Lurralde-aldaketakKrojanty, Pomeraniako voivoderria (1919-1939)
Gudulariak
 Alemania Nazi Polonia Polonia
Buruzagiak
Hirugarren Reicha Hans Gollnick
Hirugarren Reicha Mauritz von Wiktorin		 Polonia Kazimierz Mastalerz  †
Indarra
800 gizon
Ibilgailu blindatuak		 250 gizon
Galerak
11 hildako
9 zauritu		 19-25 hildako
40-50 zauritu

Gertakarien ostean, kazetariek zaldi eta zaldun-gorpuak ikusi zituzten, iritsi berriak ziren tankeen ondoan. Honela, albisteak hedatu ziren, esanez Poloniarrek zaldiz eraso zietela tankeei[2], Versaillesko Itunak baimentzen zituzten gezurrezko tankeak zirela pentsatuta. Inongo unean zalditeriak tankeen aurka borrokatu ez bazuen ere, lantza eta sableekin tankeen aurka aritu zirenaren mitoa hedatu zen[3].

Erreferentziak
  1. (Polonieraz) Getter, Marek; Tokarz, Adam. (1970). Wrzesień 1939 [i.e. tysiąc dziewięćset trzydzieści dziewięć w książce, prasie i filmie: poradnik bibliograficzny. ] Stowarzyszenie Bibliotekarzy Polskich (Noiz kontsultatua: 2023-09-28).
  2. «Wayback Machine» web.archive.org (Noiz kontsultatua: 2023-09-28).
  3. «Poland 1939 (Fall Weiß)» panzerworld.com (Noiz kontsultatua: 2023-09-28).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.