Koroliov

Koroliov (errusieraz: Королёв) Moskuko oblasteko industria hiri bat da, sobietar eta errusiar espazioaren esplorazioaren sorgunetzat ezaguna.[1] 2010eko erroldaren arabera 183.402 biztanle zituen, eta horrenbestez zientzia hiririk handiena zen. 2018an 220.000 biztanletik gora zituen.

Koroliov Королёв
hiri/herria
Irudi gehiago
Administrazioa
Estatu burujabe	Errusia
Errusiako oblastak	Moskuko oblasta
Hiri okruga	Korolyov Urban Okrug
Alkatea	Q4498833
Izen ofiziala	Королёв Калининград Калининский
Jatorrizko izena	Королёв
Posta kodea	141070–141080
Geografia
Koordenatuak	55°55′N 37°49′E
Azalera	55.47 km²
Altuera	160 m
Demografia
Biztanleria	221.797 (2017) 0 (2017)
Dentsitatea	3.998,5 bizt/km²
Informazio gehigarria
Sorrera	1938ko abenduaren 26a
Telefono aurrizkia	495, 496, 498, 499
Ordu eremua	UTC+03:00
Hiri senidetuak	Zhukovsky (en)
Hizkuntza ofiziala	errusiera
korolev.ru

1938 eta 1996 bitartean Kaliningrad (errusieraz: Калинингра6д) izenez ezaguna, tankeen aurkako eta aireko defentsarako sobietar armagintzaren hiria izan zen. 1946an, Bigarren Mundu Gerraren ondoren, artilleria-fabrika eraberritu zuten suziriak, espazio-anezkak eta espazio-ontziak eraikitzeko. Sergei Koroliov sobietar ingeniari eta akademikoak zuzendu zituen zaharberritze-lanak. Sergei Koroliov berak irudikatu, gauzatu eta zuzendu zuen Sobietar Batasuneko espazio programa. Vostok espazio ontzia garatzen ari zirenean, fabrikak RKK Energia izena hartu zuen.

Roscosmosen Misioen Kontrol Zentroa ere Koroliov hirian dago. Gaur egun misioen kontrola deszentralizatuta dago segurtasun-arrazoiak direla medio, eta Errusiako hainbat tokitatik egiten da. Hala ere, hori da Koroliovekoa da egoitzarik historikoena.

1996an hiriak Koroliov izena hartu zuen Sergei Korolioven omenez, sobietar espazio programaren aita, 1966an hildakoa. 1997az geroztik Koroliovek Nazioarteko Espazio Olinpiadak izeneko lehiaketa antolatzen du urtero gazteen artean espazioaren ikerketa sustatzeko.