Kontzejupetik
Kontzejupetik Oñatiko udalaren eskutik argitaratzen den hilabetekaria da. Herriko albisteak, erreportajeak, historia, kirolak... jasotzen dira bertan. 90. hamarkadatik argitaratzen da, eta hileko lehen ostegunetan banatzen da (abuztuan izan ezik). 300 zenbaki baino gehiago argitaratu dira, eta hilabetero 5.500 aleko tirada du aldizkariak. Euskara hutsean argitaratzen da, euskara batua zein herriko euskalkia uztartuz.
| Kontzejupetik | |
|---|---|
| Mota | Tokiko informazioa |
| Fitxa teknikoa | |
| Hizkuntza | euskara |
| Argitaratze lekua | Oñati |
| Argitaletxea | Oñatiko udala |
| Gai nagusia | Oñati |
| Banaketa | |
| Banatze-eremua | Gipuzkoa |
| Maiztasuna | hilabetero, abuztua ezik |
| Salneurria | doan |
| Historia | |
| Erredaktoreak | Iñigo Arregi |
| Identifikadoreak | |
| ISSN | 1132-1326 |
| https://www.oñati.eus/eu/udal-zerbitzuak/udal-komunikabideak/kontzejupetik-aldizkaria?set_language=eu | |
Historia
Sorrera Oñatiko Udal euskara departamentuaren ardurapean izan zen 1988ko urtarrilean, hasieran maiztasun finkorik gabe, 1991ko abendura bitartean. 1992ko irailetik aurrera, berriz, egonkortasuna bereganatu zuen, eta hilabeteroko maiztasuna finkatu. Ordutik, hilabeteko lehenengo ostegunetan kaleratzen da aldizkaria, abuztuan izan ezik. Urtean 11 zenbaki. Herriko etxe, denda, elkarte eta bestelako erakunde guztietara banatzen da, dohain. 1998 urtetik gazteei zuzendutako osagarria argitaratzen da, Etxagok ama begira izenburuarekin, eduki ludikoak dituena. 2015. urteko maiatzean zenbait aldaketa egin ziren aldizkariaren diseinu eta edukietan.
Gaiak
Oñatiko udaletxean hartzen diren erabakiak eta herri mailako gizarte, kultura, kirol, politika nahiz ekonomia arloko gaiak euskara hutsean jorratzen ditu.
