Kolberg
1945. urte hasieran amaitu zuten filmatzen Kolberg, eta korrika eta presaka estreinatu zuten urtarrilaren azken egunean Berlingo zine areto batean eta Arroxelako alemaniarren itsas basean.
| Kolberg | |
|---|---|
| Jatorria | |
| Argitaratze-data | 1945 |
| Izenburua | Kolberg |
| Jatorrizko hizkuntza | alemana |
| Jatorrizko herrialdea | Hirugarren Reicha |
| Ezaugarriak | |
| Genero artistikoa | propaganda film (en)  eta film dramatikoa |
| Iraupena | 111 minutu |
| Kolorea | koloretakoa |
| Zuzendaritza eta gidoia | |
| Zuzendaria(k) | Veit Harlan (en) Wolfgang Liebeneiner (en) |
| Gidoigilea(k) | Veit Harlan (en) Alfred Braun (en) Thea von Harbou |
| Antzezlea(k) | |
Heinrich George (en) Kristina Söderbaum (en) Gustav Diessl (en) Paul Wegener (en) Otto Wernicke (en) Claus Clausen (en) Paul Henckels (en) Horst Caspar (en) Irene von Meyendorff (en) Heinz Lausch (en) Kurt Meisel (en) Paul Bildt (en) Jakob Tiedtke (en) Hans Hermann Schaufuß (en) Franz Schafheitlin (en) Theo Shall (en) Margarete Schön (en) Greta Schröder (en) Otz Tollen (en) Jaspar Oertzen (en) Franz Herterich (en) Josef Dahmen (en) Werner Scharf (en) Fritz Hoopts (en) Herbert A.E. Böhme (en) | |
| Ekoizpena | |
| Ekoizlea | Wilhelm Sperber (en) |
| Konpainia ekoizlea | Universum Film AG |
| Ekoizle eragilea | Joseph Goebbels |
| Edizioa | Wolfgang Schleif (en) |
| Bestelako lanak | |
| Musikagilea | Norbert Schultze (en) |
| Argazki-zuzendaria | Bruno Mondi |
| Fikzioa | |
| Kontakizunaren tokia | Alemania |
| Argumentu nagusia | Napoleondar Gerrak |
| Historia | |
| Jasotako sariak | Film of the Nation (en) |
      | |
Kolberg, nazi erregimenaren zinematografiako pelikularik garestiena izan zen. Gudaroste eta herritarren izpiritua eta morala igotzeko ekoiztu zen.
Veit Harlan eta Wolfgang Liebeneiner izan ziren zuzendariak eta aktore nagusien artean garaiko alemaniar zineko izarrak: Kristina Söderbaum, Heinrich George, Paul Wegener, Horst Caspar, Gustav Diessl, Otto Wernicke eta Kurt Meisel.
Filmak, Joachim Nettelbeck, Kolberg hiriko alkatearen istorioa kontatzen du. 1807an, frantses armadaren setioari aurre egin eta garaile suertatu zen heroiarena hain zuzen.
1943. urtearen amaieratik aurrera gudak hartu zuen itxura ikusita, erraza da ulertzen zein zen alemaniar gobernuaren helburua film hau egiterakoan. Hain zuzen ere, 1943an hasi ziren Kolberg filmatzen, Agfacolor pelikulaz eta garaiko 8 milioi markotik gorako aurrekontuaz.
Guda garaia izan arren, milaka soldadu ekarri zituzten fronte ezberdinetatik filma gauzatu ahal izateko. Negu eszenak filmatzeko, gatzaz betetako 100 tren bagoi baino gehiago eraman zituzten film kokapenetara eta azken eszenak Potsdamen zeuden Babelsberg estudioetan filmatu zituzten aliatuek hiria bonbardatzen zuten bitartean. Fronte ezberdinek atzera egin eta Alemaniaren mugak murrizten ari ziren heinean filmaren negatiboa hiri batetik bestera eraman behar izan zuten.
Guda ofizialki maiatzaren 8an amaitu zen alemaniarrentzat. Apenas inork ikusi ahal izan zuen zinemagintza naziaren filmik anbizio handiena. Kopia ia guztiak desagertu egin ziren eta patuaren kapritxoaren eraginez edo, gobernu nazionalsozialistak ikur bihurtu nahi zuen herria, poloniarrei eman zitzaien Potsdamgo akordioetan. Bertoko hiritar alemaniarrak kanporatuak izan ziren eta Poloniak Errusiaren mesedetan galdutako beste lurraldeetatik etorritako jendez bete zuten aurrerantzean Kołobrzeg izenez ezagutuko zen hiria.
Hamarkada batzuk beranduago negatiboa berreskuratu eta 1965. urtean proiektatu zen berriro Kolberg, bitxikeria gisa eta nazien propaganda zinemagintza aztertzen zuen dokumental batekin batera.
