Klima-mugimendua

Klima-mugimendua mundu mailako gizarte-mugimendu bat da, gobernuei eta industriari presioa egitera bideratua , klima-aldaketaren arrazoiei eta inpaktuei aurre egiteko neurriak har ditzaten ("klima-ekintza" ere deitua). Irabazi-asmorik gabeko ingurumen-erakundeek klima-aktibismo esanguratsuan parte hartu dute 1980ko hamarkadaren amaieratik eta 1990eko hamarkada hasieratik, Nazio Batuen Klima Aldaketari buruzko Esparru Hitzarmenean (UNFCCC) eragin nahi zutelako. Klimaren aktibismoa gero eta nabarmenagoa izan da denborarekin, indar handia hartuz 2009ko Kopenhageko Gailurrean eta bereziki 2016an Parisko Akordioa sinatu ondoren [1]

Alemaniako Ende Gelände 2017-ko "Sistema aldaketa, ez klima aldaketa" pankarta.
Herrialdeak Klima-aldaketaren errendimenduaren indizearen arabera

Ingurumen-erakundeek hainbat ekintza egiten dituzte, hala nola Herrien Klima-Martxak. Ekitaldi garrantzitsu bat 2019ko irailean Fridays For Future eta Earth Strike-ek antolatutako klimaren greba globala izan zen. [2] Helburua irailaren 23an NBEk antolatutako klima-ekintzaren goi bileran eragitea zen. [3] Antolatzaileen arabera, lau milioi lagunek parte hartu zuten irailaren 20ko greban. [4] Gazteen aktibismoak eta inplikazioak zeresan handia izan du mugimenduaren bilakaeran, Greta Thunbergek 2019an hasitako Fridays For Future greben hazkundearen ostean. [5] 2019an, Extinction Rebellion-ek protesta handiak antolatu zituen "2025erako karbono isuriak zerora murrizteko eta aurrerapenak gainbegiratzeko herritarren asanblada sortzea" aldarrikatzeko, besteak beste, errepideak blokeatzea. [6]

Historia

Klima-aldaketarekin lotutako aktibismoa 1980ko hamarkadaren amaieran hasi zen, ingurumen-erakunde nagusiak klimari buruzko eztabaidetan parte hartu zutenean, batez ere UNFCCC esparruan. Aurretik ingurumen-erakundeak nagusiki nazio mailan aritzen ziren arren, nazioarteko kanpainan gero eta gehiago parte hartzen hasi ziren. Klima-aldaketaren aurkako koalizio transnazional handiena, Climate Action Network, 1992an sortu zen Bere kide nagusiak Greenpeace, WWF, Oxfam eta Lurraren Lagunak dira. <ref> Justizia klimatikoa orain! eta Klima Justizia Ekintza bi koalizio handi, 2009ko Kopenhageko Goi Bileraren harira sortu ziren.

Erreferentziak
  1. Maher, Julie. (26 March 2021). Fridays For Future: A Look Into A Climate Change Movement. .
  2. Zoe Low, Zoe. (18 July 2019). Asia's young climate activists on joining the worldwide campaign for government action on global warming. .
  3. Korte, Kate. (10 July 2019). Elizabeth May holds nonpartisan town hall at UVic for constituents. .
  4. Conley, Julia. (23 September 2019). 4 Million Attend Biggest Climate Protest in History, Organizers Declare 'We're Not Through'. .
  5. Maher, Julie. (26 March 2021). Fridays For Future: A Look Into A Climate Change Movement. .Maher, Julie (26 March 2021). "Fridays For Future: A Look Into A Climate Change Movement". Retrieved 1 February 2022.
  6. Extinction Rebellion: Climate protesters block roads. BBC NEws 16 April 2019.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.