Kleopatra Selene II.a

Kleopatra Selene II.a
	; Irudi gehiago
Bizitza
Jaiotza	Alexandria, K.a. 40ko abenduaren 25a
Heriotza	Cherchell, 5 (43/44 urte)
Hobiratze lekua	Royal Mausoleum of Mauretania (en)
Familia
Aita	Marko Antonio
Ama	Kleopatra VII.a
Ezkontidea(k)	Juba II.a
Seme-alabak	ikusi Ptolemy of Mauretania (en) ; Julia of Mauretania (en) ; Cleopatra of Mauretania (en) ;
Anai-arrebak	ikusi Antonia (en) ; Marcus Antonius Antyllus (en) ; Iullus Antonius (en) ; Antonia Maior; Antonia Minor; Alexander Helios (en) ; Ptolomeo Filadelfo; Zesarion;
Leinua	Ptolomeotar dinastia
Hezkuntza
Hizkuntzak	antzinako greziera
Jarduerak
Jarduerak	monarka
Lantokia(k)	Mauritania

Kleopatra Selene II.a (K.a. 40 - K.a. 6), Kleopatra VIII.a izenez ere ezaguna dena, printzesa ptolomeotarra izan zen. Kleopatra VII.a eta Marko Antonioren alaba bakarra zen, eta Alexandro Heliosen[1] arreba bikia ere bai. Haren leinuak, beraz, odol grekoa eta erromatarra zeukan.

Biografia

Alexandrian (Egipton) jaio, hazi eta hezi zen. Zirenaika eta Libiako gobernadore egin zuten K.a. 34. urtearen amaieran, Alexandriako Dohaintzetan. Augustok bere gurasoak garaitu zituen Aktiumgo itsas guduan (Grezia) K.a. 31. urtean, eta, urtebete geroago beren buruaz beste egin zuten, Augustok eta bere armadak Egipto[2] inbaditu zuten bitartean.

Augustok, Kleopatra eta Egiptoko bere anaiak Italiara eraman zituen garaipen militarra Erroman ospatzera, eta, hiru umezurtzak beren kaleetan urrezko kate zahar astunekin desfilatzera. Etorkizuneko enperadoreak bere ahizpa Oktavia Gaztearengana eraman zituen haurrak, Erromako etxean haz zitezen. Emakumea beti izan zen zaindaria; enperadorearen arreba izateaz gain, txikien aitaren alarguna ere baitzen.

K.a. 26 eta 20. urteen artean, Augustok Kleopatraren eta Juba II.a erregearen arteko ezkontza prestatu zuen Erroman. Enperadoreak dote handia eman zion eta Numidiako erregina izendatu zuen. Trukean, Kleopatra Erromaren aliatu bihurtu zen. Garai hartan, Alexandro Helios eta Ptolomeo Filadelfo anaiak hil egin ziren.

Juba eta Kleopatra Numidiara itzuli ziren, baina ez zuten denbora luzean iraun. Numidiar natiboek ez zuten onartu Juba erromatartzat hartzea, eta horrek ezinegona eragin zuen herritarren artean. Senar-emazteek beren lurra utzi eta Mauritaniara bizitzera joan behar izan zuten. Bertan, Cesarea (egun Cherchell, Aljeria) izena jarri zioten, enperadorearen omenez.

Litekeena da Kleopatrak eragin handia izatea Jubak diseinatutako politiketan, eta Mauritaniako erresuma loratzen laguntzea, Mediterraneoko esportazioen eta merkataritzaren bidez. Hainbat eraikuntza- eta eskultura-proiektu egin ziren (mausoleoa barne, non benetako bikotea lurperatu zen, oinazpi zirkularrekoa, gorputz konikoa eta berrogei metroko altuerakoa) Cesarean eta Volubilisen, eta Antzinako Egiptoko, Grezia klasikoko eta Erromatar Inperioko estilo arkitektonikoen nahasketa aberatsa erakutsi zen.

Kleopatrak eta Judak hainbat seme-alaba izan zituzten: Mauritaniako Kleopatra (K.a. 5. urtean oraindik neskato bat hilda), Mauritaniako Ptolomeo (K.a. 19 - K.o. 40) eta Mauritaniako Drusila (K.a. 15. urtean jaioa). Zenobia, Palmirako erregina, Ptolomeoren bidezko ondorengotzat hartzen zen, Emesa hiriko dama siriar batekin ezkonduko zena.

Ez dira gureganaino iritsi Kleopatraren bizitzari buruzko idatziak. Hala ere, txanpon eta monumentuek iradokitzen dute gazteak burdinezko borondatea eta ptolomeotar erreginen iraunkortasuna oinordekotzan hartu zituela. Erlijiosoa eta patriota zen, Egiptoko eta Greziako herentziez harro zegoen; gainera, ez zuen arbaso erromatarrekiko atxikimendu handirik erakutsi, legatu ptolemikoari eutsi eta jarraitu nahi izan baitzion.

Eponimoak

216 Kleopatra asteroidearen bi sateliteetako bat Cleoselene izendatu zuten bere omenez.

Genealogia

Erreferentziak

Plutarco, Vidas paralelas: Antonio 36.
Draycott, Jane. (2022). Kleopatra's daughter: Egyptian princess, Roman prisoner, African queen. Head of Zeus ISBN 978-1-80024-481-8. (Noiz kontsultatua: 2024-02-13).

Kanpo estekak

Datuak: Q40058
Multimedia: Cleopatra Selene II / Q40058

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Plutarco, Vidas paralelas: Antonio 36.

[2] Draycott, Jane. (2022). Kleopatra's daughter: Egyptian princess, Roman prisoner, African queen. Head of Zeus ISBN 978-1-80024-481-8. (Noiz kontsultatua: 2024-02-13).