Kiyonori Kikutake

Kiyonori Kikutake
Bizitza
Jaiotza	Kurume, 1928ko apirilaren 1a
Herrialdea	Japonia
Heriotza	Japonia, 2011ko abenduaren 26a (83 urte)
Hezkuntza
Heziketa	Waseda Unibertsitatea
Hizkuntzak	ingelesa; japoniera
Jarduerak
Jarduerak	arkitektoa eta unibertsitateko irakaslea
Enplegatzailea(k)	Chiba Institute of Technology (en) ; Waseda Unibertsitatea
Jasotako sariak	ikusi Order of the Rising Sun, 3rd class ; Auguste Perret Prize (1978) ;

Kiyonori Kikutake (Kurume, Fukuoka, Japonia, 1928ko apirilaren 1a - 2011ko abenduaren 26a) arkitektoa izan zen.

Edo-Tokyo Museoa (Ryogoku Tokyo, Japonia), Kiyonori Kikutakek 1993an diseinatua.

Bizitza

Tokioko Waseda Unibertsitatean egin zituen arkitektura-ikasketak, 1946-1950 bitartean. Kikutakeren arkitekturak hiru fase ditu: irudia, eredua eta forma. Metabolisten taldeko kide gisa, sistema mugikorrei eta malguei buruzko ikerketa asko egin zituen, bere obrei dinamismo handiagoa ematearren. Elementu horien erabilerak, gizakiaren aldeko ingurune-sistema baten bilaketarekin batera, gizakiak arkitekturaren barruan hobeto bizitzeko sistemen bilaketa dakar.

1950etik aurrera, haren obrak arkitektura-molde berri batean sartzen dira, aurrerapen teknologikoei egokituta: ordenagailuak, igogailu azkarrak, sistema elektriko konputerizatuak, eta abar. Itsaspeko hiriei buruzko proiektuak egin ditu, bizitzeko makinen itxura dutenak, material berriak erabiliz eta barne egiturak agerian utziz.

1958an Sky House egin zuen, Tokion, etorkizuneko etxebizitzen eredu gisa: espazio handi bat, zerbitzu gelez inguratua. 1964an Tokoen Hotela egin zuen, Yonagon, forma zaharrak eta egungoak adostuz. 1975ean Aquapolis egin zuen, Okinawan, Nazioarteko Erakusketa Ozeanikorako. Hiriaren kanpoko estetikak ingeniaritza obra ematen du, arkitektura obra baino gehiago. Beste lan batzuk: Shimane Prefectural Museum (1959, Matsue), Izumo Shirine Administrazio-eraikina (1963, Izumo), Kurumeko Zentro Zibikoa (1969); Erakusketa Unibertsalerako Dorrea (1970, Osaka), Biwako Merkataritzagunea (1976, Otsu), TK Museoa (1980-1981, Karuizawa), Edo-Tokyo Museum (1993), Showa Kan (1999).

Erreferentziak

Wikimedia Commonsen badira fitxategi gehiago, gai hau dutenak: Kiyonori Kikutake

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q1352623
Multimedia: Kiyonori Kikutake / Q1352623

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.