Kieveko merkataritza-guneko bonbardaketa

Kieveko merkataritza-guneko bonbardaketa Kieven (Ukrainan) kokatutako Retroville izeneko merkataritza-gune baten aurkako 2022ko martxoaren 20an gertatutako bonbardaketa bat izan zen, errusiar aire-eraso baten testuinguruan, 2022ko Ukrainako inbasioaren zati gisa; non, gutxienez, zortzi pertsona hil ziren. Errusiako Gobernuaren arabera, merkataritza-gunea estaldura gisa erabiltzen zen Ukrainako Armadaren munizioa biltegiratzeko eta kargatzeko, Ukrainak darabilen BM-21 Grad klaseko kohete-jaurtigailuak barne.[1]

Kieveko merkataritza-guneko bonbardaketa
Irudia
Bonbardaketa-osteko sutea, Retroville merkataritza-gunean.
Map
MotaAire-erasoa
Honen parte daKieveko gudua
(Ukrainako inbasioa)
Data2022ko martxoaren 20a
(c. 22:48 PM; UTC+3)
KokalekuRetroville merkataritza-gunea, Kiev (Ukraina)
HerrialdeaUkraina
AntolatzaileaErrusiar Federazioko Indar Armatuen Estatu Nagusia
HelburuRetroville
Pertsona hilak>8
Pertsona zaurituak1
Erantzule Errusia
Hashtag#Retroville

Testuingurua
Sakontzeko, irakurri: «Kieveko erasoaldia» eta «Kieveko gudua»

Errusiako Indar Armatuak Ukraina inbaditzen hasi ziren 2022ko otsailaren 24an, non Kiev Oblastaren zein Kiev hiriaren aurka egindako erasoaldi bat aipa daitekeen, errusiar indarrak Bielorrusiatik sartu ostean. Biharamunean, gudu bat hasi zen hirian bertan.

Retroville merkataritza-guneak 120,334 metro kubiko zituen, 86,000 metro koadroko azalera eta 250 denda baino gehiago.[2][3] Merkataritza-gunea 2020ko maiatzean eraiki zen.[3] BT Invest-ek, Lituaniako inbertsio-enpresa batek, kudeatzen du.[4]

Bonbardaketa

2022ko martxoaren 20ko gauean, Errusiako Indar Armatuek Retroville bonbardatu zuten, Ukrainako hiriburuko –Kiev– merkataritza-gune bat.[5] Ukrainako larrialdi-zerbitzuek gaueko 22:48tan jaso zuten merkataritza-gunean izandako sute baten berri.[6]

Merkataritza-gunea ia erabat suntsituta geratu zen, inguruko autoak, Sport Life fitness-kluba eta negozio-zentro batekin batera. Vitali Klitsxko-k, Kieveko alkateak, iragarri zuen inguruko eraikinek ere kalte larriak jasan zituztela eta, gutxienez, zortzi pertsona hil zirela.

Novus supermerkatu-katearen egoitza, negozio-zentroan dagoena, "ia erabat suntsituta" geratu zen.[4][7][8][oh 1] Merkataritza-gunean kokatutako intsignia supermerkatua ere kaltetu egin zen, sabaiak erori baitziren, egiturazko beste kalte batzuekin batera.[4][8][12]

Helburua

Errusiako Defentsa Ministerioak adierazi zuen erasoa egin zuela merkataritza-gunea munizioa biltegiratzeko eta kargatzeko estaldura gisa erabiltzen zelako, Ukrainako Indar Armatuen BM-21 Grad misil-jaurtigailuak barne, drone baten irudiekin defendatu zuena.[1][13] Drone-irudi horietan, Ministerioaren arabera, Ukrainako Misilen Jaurtitze Anizkoitzeko Sistema bat (MLRS) ikus zitekeen, tiro egiten zuena merkataritza-zentrora berriro sartu aurretik.[1]

Erasoaren biharamunean, Ukrainako agintariek gizon bat atxilotu zuten, otsailaren amaieran merkataritza-gunetik gertu aparkatuta zeuden ibilgailu militar ukrainarrak erakusten zituzten irudiak TikTok-en partekatu zituelako;[14] era berean, ukrainarrei Ukrainako mugimendu militarrei buruzko informaziorik ez argitaratzeko ohartarazi zieten.[15]

Oharrak
  1. Novus BT Invest-en proiektu bat da ere.[4][9][10][11]

Erreferentziak
  1. (Ingelesez) «Ukraine war: Russia claims it attacked Kyiv shopping centre because it was being used to store rockets» Sky News (Noiz kontsultatua: 2022-04-11).
  2. (Errusieraz) «Шесть лет стройки и €41 млн инвестиций. Что уничтожили русские, попав ракетой в торговый центр Retroville — Forbes.ua» forbes.ua 2022-03-21 (Noiz kontsultatua: 2022-04-11).
  3. (Ingelesez) «Kyiv’s Retroville shopping centre unrecognisable following Russian airstrike» The Independent 2022-03-22 (Noiz kontsultatua: 2022-04-11).
  4. (Ingelesez) «Lithuanian shopping centre shelled in Kyiv» lrt.lt 2022-03-21 (Noiz kontsultatua: 2022-04-11).
  5. (Ingelesez) «Photos: Deadly shelling in Ukraine’s Kyiv flattens shopping mall» www.aljazeera.com (Noiz kontsultatua: 2022-04-11).
  6. (Ingelesez) Reuters, Source: State Emergency Service of Ukraine via. (2022-03-21). «Firefighters rescue people from shopping mall rubble after blasts hit Kyiv – video» The Guardian ISSN 0261-3077. (Noiz kontsultatua: 2022-04-11).
  7. «At least 8 killed by Russian missile attack on Kyiv shopping mall (PH…» archive.ph 2022-03-28 (Noiz kontsultatua: 2022-04-11).
  8. «Novus Ukraine Head Office Destroyed Due To Missile Strike Of Invaders…» archive.ph 2022-03-28 (Noiz kontsultatua: 2022-04-11).
  9. https://archive.today/20220328205324/https://www.btinvest.lt/98/Projects
  10. https://www.epravda.com.ua/news/2020/09/16/665189/
  11. https://archive.today/20211006090239/https://biz.liga.net/keysy/fmcg/article/zachem-novus-kupil-set-billa-ili-pechalnye-priklyucheniya-avstriytsev-v-ukraine
  12. «Новус потерял главный офис в Украине: помещение находилось в Retrovil…» archive.ph 2022-03-28 (Noiz kontsultatua: 2022-04-11).
  13. (Ingelesez) Reuters. (2022-03-21). «Russia says it hit Kyiv shopping centre because it was storing rockets» Reuters (Noiz kontsultatua: 2022-04-11).
  14. «Authorities detain Kyiv man for sharing footage of Ukrainian military on TikTok» web.archive.org 2022-03-22 (Noiz kontsultatua: 2022-04-11).
  15. «Силовики затримали тік-токера, який виклав у мережу фото техніки ЗСУ у Києві | Українська правда» web.archive.org 2022-03-23 (Noiz kontsultatua: 2022-04-11).

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.