Kepa Ordoki

Kepa Ordoki
Bizitza
Jaiotza	Irun, 1912ko abuztuaren 3a
Herrialdea	Gipuzkoa, Euskal Herria
Heriotza	Baiona, 1993 (80/81 urte)
Hezkuntza
Hizkuntzak	gaztelania
Jarduerak
Jarduerak	igeltseroa eta militarra
Zerbitzu militarra
Adar militarra	Gernika Batailoia
Parte hartutako gatazkak	Espainiako Gerra Zibila; Bigarren Mundu Gerra
Sinesmenak eta ideologia
Alderdi politikoa	Eusko Abertzale Ekintza

Kepa Ordoki Vázquez (1912ko abuztuaren 3a, Irun, Gipuzkoa – 1993, Baiona, Lapurdi) Eusko Gudarosteko gipuzkoar gudaria eta EAE alderdiko kidea izan zen. Bigarren Mundu Gerran zehar, Frantziako Gironde departamenduan borrokatu zen Gernika Batailoiaren buruzagia izan zen.

Biografia

EAE-ANVko kide egin zen (1931) eta Espainiako Gerra Zibilean borrokatu zen, Gipuzkoan, Bizkaian eta Santanderko frontean. 1937. urtean atxilotu eta heriotza-zigorra eman zioten, baina zigorra aldatu zioten eta Duesoko espetxetik ihes egitea lortu zuen.

Frantziara erbesteratu zen lehenik, eta Mexikora gero. Erresistentziarekin jarri zen harremanetan, alemaniarren aurka. Eusko Jaurlaritzaren mendeko Gernika Batailoiaren buru izendatu zuten, eta De Larminat jeneralaren agindupean alemaniarren aurka borrokatu zen Frantziako estatuan. Pointe de Graveko gudu gogorretan parte hartu zuen alemaniarren aurka; de Gaulle jeneralak zoriondu egin zuen Frantziaren alde egin zuenagatik (1954).

Azken urteetan Euskal Herriko borroka armatuaren alde jardun zuen.

Ikus gainera

Gernika Batailoia

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo loturak

Kepa Ordokiren biografia Auñamendi entziklopedian. Euskomedia.org (Gaztelaniaz)

Datuak: Q12261438

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.