Kemerovo

Moskutik 3.482 km-ra dago. Sobietar Batasunaren sasoian garatu zen bertako industria, batez ere kimika-, ongarri- eta manufaktura-sektoreetan. Trenbide Transiberiarra hiritik igarotzen da, Vladivostokeko porturanzko bidean, Siberia zeharkatuz.

Errusiarren hainbat kokaguneren batura da Kemerovo. 1657. urtean, Verkhotomski izena ipini zioten Tomsk-etik Kuznetsk gotorlekurako bidean zegoen tokiari. 1701. urtean, sortu zen Scheglovoko kokalekua, Tom ibaiaren ezkerreko ertzean, eta handik gutxira herri bihurtu zen. 1859. urtearen inguruan, orain Kemerovo den eremuan zazpi herri zeuden: Stxeglovo (edo Ust-Iskitimskoie), Kemerovo (izen horrekin 1734tik), Jevseievo, Krasni Jar, Kur-Iskitim (Plexki), Davidovo (Ixanovo), eta Borovaia.

1721. urtean, inguruan harrikatza aurkitu zuten; 1907. urtean lehenengo ikatz-meatzeak ireki zituzten, eta 1917. urterako 4.000 biztanle inguru ziren bertan. Jurga eta Koltxuginoren arteko trenbidea (gaur egun, Leninsk-Kuznetski da lehenagoko Koltxugino hiria) erabakigarria izan zen inguruaren garapenerako, Topki eta Stxeglovo lotu baitzituen. 1918. urtean Stxeglovori hiri-izaera eman zioten, eta data hori hartzen da Kemerovoren sorreraren datatzat. 1934. urtean Kemerovo oblast-eko hiriburu izendatu zuten hiria.

Klima kontinentala da; -48,4 °C (abenduan) eta 38 °C (abuztuan) arteko datuak jaso izan dira.

Datu klimatikoak (Kemerovo)
Hila	Urt	Ots	Mar	Api	Mai	Eka	Uzt	Abu	Ira	Urr	Aza	Abe	Urtekoa
Erregistraturiko tenperatura maximoa (°C)	6.0	6.8	14.6	28.3	34.4	35.1	38.0	36.3	33.1	24.5	13.1	5.8	38.0
Batez besteko tenperatura maximoa (°C)	-12.2	-9.0	-1.2	7.9	18.7	23.2	25.5	22.9	15.7	7.4	-3.5	-10.0	7.1
Batez besteko tenperatura minimoa (°C)	-21.5	-19.6	-12.6	-3.0	4.7	10.4	13.2	10.6	4.6	-1.4	-11.0	-19.0	-3.7
Erregistraturiko tenperatura minimoa (°C)	-47.9	-47.1	-39.9	-32.4	-12.6	-5.7	0.5	-1.2	-9.4	-27.9	-39.5	-48.4	-48.4
Pilatutako prezipitazioa (mm)	28	19	19	26	40	68	72	62	41	45	44	41	505
Iturria: Pogoda.ru.net[3]

• Web kamera, Kemerovon
• Kemerovoko argazkiak