Kelizero
Kelizeroa artropodoen azpitalde bat den kelizeratuen ahoko atal bat da. Kelizeroak punta zorrotza daukaten apendizeak dira, eta janariari heltzeko erabiltzen dira gehien bat. Ahoa baino pixka bat atzerago daude, beraz ez dira barailen homologoak, nahiz eta antzeko funtzioa bete. Horrez gain, zenbait kelizeratutan, esaterako armiarmetan, hutsik daude barrutik, pozoia ekoizten duten guruinetara lotuta daude eta pozoia injektatzeko erabiltzen dira harrapakina harrapatu nahi denean edo arrisku bat somatzen denean.
![](../I/Chel.labid.Metellina.spec.6918.jpg.webp)
Metellina generoko armiarma baten kelizeroak (Ch letrekin markatuta)
Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.