Katy Jurado

Katy Jurado Guadalajarako familia aberats batean jaio zen 1924ko urtarrilaren 16an. Bere aita abokatua eta lurjabea zen, eta bere ama abeslaria eta XEWn lan egiten zuen, Latinoamerikako irrati handienean.[1] Hiru anai-arreba ziren, bera alaba bakarra, eta Mexiko Hiriko eskola erlijioso batean ikasi zuen. Ondoren idazkari bihurtu zen bere aita bezala abokatu izateko helburuarekin .

Bere osaba bat aktorea zen arren, gurasoek uko egiten aktorearen bidea hartzeari. Horregatik, bere lehen castingera gurasoei baimenik eskatu gabe joatea erabaki zuen.[2] Ezkutuan sinatu zuen bere lehen aktore kontratua eta gurasoek Monterreyko barnetegi batean sartzearekin mehatxatu zuten [1] .

Gurasoekin adiskidetzeko, aldizkarietarako zinema kritikak idatzi zituen, eta irratiko kazetaria eta zezenketa komentarista bilakatu zen.[1] 16 urte zituela Mexikon egin zuen bere lehen filma, No matarás eta bertan aritu zen aktore gisa lehen aldiz, femme fatale paperean, bere ibilbidean zehar haren marka izango dena. [3]

1951an Estatu Batuetako zineman egin zuen lehen filman, The Lady and the Toreador, ingelesez buruz ikasi zituen bere lerro guztiak, garai hartan gaztelaniaz baino ez baitzekien hitz egiten.[3][2]

1952an Hollywoodeko lehen arrakasta handia lortu zuen Helen Ramirez paperarekin, Gary Cooperren andrea, Fred Zinnemannen High Noon filman.[3] Paper horri esker, Urrezko Globo Saria[1] lortu zuen, eta sari hau jaso zuen lehen mexikarra izan zen. [4]

1954an, New York hiriko [2] giltzak jaso zituen, ohore hori jaso zuen lehen mexikarra bihurtuz. [3]

Giltzurrunetako eta biriketako hutsegiteak jota hil zen 2002ko uztailaren 5ean, 78 urte zituela. La Pazen lurperatuta dago [1] .

• 1951: Bullfighter and the Lady, Budd Boetticher
• 1952: High Noon, Fred Zinnemann
• 1953: Arrowhead, Charles Marquis Warren
• 1953: El Bruto, Luis Buñuel
• 1954: Broken Lance, Edward Dmytryk
• 1955: Trial, Mark Robson
• 1955: The Racers, de Henry Hathaway
• 1956: Trapeze, Carol Reed
• 1958: The Badlanders, Delmer Daves
• 1961: Barabbas, Richard Fleischer
• 1961: One-Eyed Jacks, Marlon Brando
• 1961: I Briganti italiani, Mario Camerini
• 1968: Stay Away, Joe, Peter Tewksbury
• 1973:Pat Garrett and Billy the Kid, Sam Peckinpah
• 1978: The Children of Sanchez, Hall Bartlett: Chata
• 1984: Under the Volcano, John Huston

• Juan Gabriel mexikar konpositoreak Que re'chula es Katy abestiarekin omenaldia egin zion 1998an [3] .
• 2018ko urtarrilaren 16a Google batek bere 94 urteurrena ospatu zuen. [5]