Kateb Yacine

Kateb Yacine (arabieraz: كاتب ياسين‎, kæːtb jæːsiːn ahoskatua; Konstantina, 1929 - 1989) aljeriar olerkari, eleberrigile eta antzerkigilea izan zen, frantsesez idazten zuena. Aljeriako Independentziaren Gerrak eragin handia izan zuen haren lanetan eta, oro har, Aljeriako bizimodua agertu zuen lan horietan. Bere lehen eleberria, Nedjma, 1956an argitaratu zuen; lan hartan Frantziaren mendeko Aljeriako gizartearen egoera eta klanen arteko bereizketa eta indarkeria agertu zuen, tarteka elezaharrak eta agertzen direla. Kronologia-gorabehera handiak eta kontalari ugari dira eleberri horretan; kontaera horrek eragin handia izan du Marokoko idazle gazteengan. Eleberri haren ondorengo beste lan batzuetan gai hura bera landu zuen, Aljeriako bizitza, alegia, bai gizarte-ikuspegitik eta bai nazio-ikuspegitik; baita bizitza pribatuaren ikuspegitik ere. Azken lanetan langileriaren eta kapitalismoaren arteko borroka islatu zuen, batez ere. Lan nagusiak: Soliloques (1946), La cercle des représailles (1959), Le Polygone étoilé (1966), L´Homme aux sandales de caoutchouc (1970).

Kateb Yacine
Irudi gehiago
Bizitza
Jaiotza	Konstantina, 1929ko abuztuaren 2a
Herrialdea	Aljeria
Heriotza	Grenoble eta La Tronche, 1989ko urriaren 28a (60 urte)
Hobiratze lekua	El Alia Cemetery (en)
Heriotza modua	berezko heriotza: leuzemia
Familia
Seme-alabak	ikusi Amazigh Kateb (en)
Hezkuntza
Hizkuntzak	frantsesa
Jarduerak
Jarduerak	idazlea, antzerkigilea, kazetaria eta poeta
Lan nabarmenak	ikusi Nedjma (en)
Jasotako sariak	ikusi Grand prix national des Lettres
Sinesmenak eta ideologia
Erlijioa	ateismoa