Kate Greenaway

Catherine «Kate» Greenaway (Londres, 1846-1801eko martxoaren 17a) ingeles idazlea eta ilustratzailea izan zen, haurrentzako liburuak egin zituen.

 

Kate Greenaway

Bizitza
JaiotzaLondres, 1846ko martxoaren 17a
Herrialdea Britainia Handia eta Irlandako Erresuma Batua
HeriotzaFrognal (en) Itzuli, 1901eko azaroaren 6a (55 urte)
Hobiratze lekuaHampstead Cemetery (en) Itzuli
Heriotza moduaberezko heriotza: minbizia
bularreko minbizia
Familia
AitaJohn Greenaway
Anai-arrebak
Hezkuntza
HeziketaRoyal College of Art (en) Itzuli
Heatherley School of Fine Art (en) Itzuli
Hizkuntzakingelesa
Jarduerak
Jarduerakmargolaria, idazlea, ilustratzailea, haur literatura idazlea eta artista
Lantokia(k)Londres
IMDB: nm1037049 Find a Grave: 10651 Edit the value on Wikidata

Kate Greenaway domina, bere omenez 1955. urtean ezarria, urtero ematen dio Chartered Institute of Library and Information Professionals-ek, Erresuma Batuko dokumentazioko liburuzainak eta beste profesional batzuk ordezkatzen dituen elkargo profesionalak, haurrentzako liburuen ilustratzaile bati.

Biografia eta lanak

Haren aita, John Greenaway, marrazkilaria eta grabatzailea zen, eta ama, Catherine Elizabeth Jones, jostuna zen. Finantza-arazoak zirela eta, familia Islingtonera joan zen bizitzera, eta Elizabethek haurrentzako arropa-denda bat ireki zuen, arrakasta handia izan zuena.[1]

Hamabi urte zituenetik, Kate Finsbury School of Art-en trebatu zen, eta han egon zen sei urtez. Orduan, Kensingtongo (Londres Handia) Central Schoolera joan zen, baina garai hartan emakumeei ez zitzaien uzten biluzien marrazkiak egiten. Hori dela eta, Slade School of Artera joan zen, non neskei eta mutilei hezkuntza bera eskaintzen baitzieten. Gainera, arratsaldeetan Heatherley’s School of Art-en izan zen.[1]

Hamelingo flautista, Kate Greenawayk ilustratua

Lehen liburuak, Bajo la ventana (1879), haurrei buruzko bertso erraz eta idiilikoen bilduma bat, Edmund Evans-ek berak koloretako xilografiak egiteko asmatutako prozesu bat erabiliz argitaratuak, salmenta-arrakasta handia izan zuen bere garaian, hasierako 20.000 kopiak azkar saldu baitzituen eta Routledge argitaletxea berriz inprimatzera behartu baitzuen.[2][1]

Beste lan nagusi batzuk hauek dira: El jardín de las caléndulas, El flautista de Hamelín, El libro de los juegos eta El libro de los cumpleaños. Gainera, marrazkiak beste objektu batzuk apaintzeko erabili ziren, hala nola azulejuak eta portzelana.

Erreferentziak
  1. Kate Greenaway (1846 - 1901). .
  2. Kate Greenaway. Encarta.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.