Karavanke

Karavanke edo Karavanke mendikatea[1] (eslovenieraz: Karavanke, alemanez: Karawanken) Alpeetako mendikatea da, Eslovenia eta Austria arteko mugan dagoena. Natura 2000 Europako sare ekologikoan sarturik dago.

Karavanke
Datu orokorrak
Mendirik altuenaStol mendia
Garaiera2.238 m
MotaAlpine subsection (en) Itzuli
Luzera120 km
Zabalera65 km
Azalera5.227 km²
Geografia
Map
Koordenatuak46°24′N 14°24′E
Honen parte daCarinthian-Slovenian Alps (en) Itzuli
Q1729032 Itzuli
MendikateaCarinthian-Slovenian Alps (en) Itzuli
Q1729032 Itzuli
Estatu burujabe Austria
Austriaren banaketa administratiboa Karintia
Geologia
Material nagusiaarroka sedimentario

Etimologia

Zelten karv hitzetik datorrela dirudi, zeina euskaraz "oreina" esan nahi duen.

Geografia

Ekialdetik mendebaldera luzatzen da eta 120 kilometro dituenez Europako mendilerro luzeenetakoa da. Mendebaldeko zatin mendi altuagoak daude ekialdean baino. Ekialdeko muturrean Kamnik-Savinjako Alpeak ditu jarraian.

Iparraldean Drava ibaiaren haranak mugatzen du, hegoaldean berriz Sava ibaia dauka.

Aurrehistoriatik erabili izan diren pasabide ugari ditu, hala nola, Wurzen (Koreno), Loibl (Ljubelj) eta Seeberg (Jezero). Gaur egun Karavanke tunelak lotzen ditu Villach (Austria) eta Jesenice (Eslovenia).

Mendirik altuenak
#MendiaHerrialdeaGaraiera
1Stol (Hochstuhl)Eslovenia2.236 m
2Vrtača (Wertatscha)Austria2.180 m
3Kepa (Mittagskogel)Austria2.145 m
4Košutnikov turnEslovenia2.133 m
5Kordeževa glavaEslovenia2.126 m
  • Parentesi artean alemanierazko izena.

Historia

Harri Aroan dagoeneko populatua izan zen mendilerroa eta erromatarren garaian Noricum probintziaren hegoaldeko muga markatu zuen. Klaudio Ptolomeok k.o. 150 urtean aipatu zituen.

XI mendean Karintia dukerriaren eta Karniolako markaren arteko muga izan zen, baina 1364an Karniola ere dukerria bihurtu zenean bi lurraldeek bat egin zuten Austriako Inperioaren barnean.

1918an Austria-Hungariako Inperioa desegin zenetik aurrera Austria eta Esloveniaren arteko muga izan da.

Iruditegia
  • Stol mendia.
    Stol mendia.
  • Vrtača.
    Vrtača.
  • Kepa mendia.
    Kepa mendia.
  • Košutnikov turn.
    Košutnikov turn.
  • Kordeževa glava.
    Kordeževa glava.

Erreferentziak
  1. Euskaltzaindia. Europako toponimia fisikoa. .

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.