Karabakh Garaiko Oblast Autonomoa

Karabakh Garaiko Oblast Autonomoa (errusieraz: Нагорно-Карабахская автономная область, НКАО; azerbaijaneraz: Дағлыг Гарабағ Мухтар Вилајәти, ДГМВ/Dağlıq Qarabağ Muxtar Vilayəti, DQMV; armenieraz: Լեռնային Ղարաբաղի Ինքնավար Մարզ, ԼՂԻՄ) Azerbaijango Sobietar Errepublika Sozialistaren barruan zegoen oblast autonomo bat izan zen, gehiengo armeniarrekoa. Robert Serviceren arabera 1921an Josif Stalinek (garaian Nazionalitateen Komisarioa zena) Nakhitxevaneko Sobietar Errepublika Sozialista Autonomoa eta Karabakh Azerbaijanen sartu zituen Turkia eta Sobietar Batasunaen harremanek bultzatuta. Turkia arazorik izan ez balitz ziurenik Stalinek Karabakh Armeniaren esku utziko luke. 1923ko uztailaren 7an Karabakh Garaiko Oblast Autonomoa eratu zen. Karl R. DeRouenen arabera Armeniatik bereizten zuen lur eremu txikia hala mantendu zen enklabe bat izan zedin. Audrey L. Altstadten arabera mugak marraztu ziren armeniar gehiengoa zuten herriak barruan uzteko eta ahalik eta gehien kanpoan uzteko azeriar herriak, ziurtatzeko armeniarrak gehiengo zirela oblast honetan.

Karabakh Garaiko Oblast Autonomoa Нагорно-Карабахская автономная область Дағлыг Гарабағ Мухтар Вилајәти Dağlıq Qarabağ Muxtar Vilayəti Լեռնային Ղարաբաղի Ինքնավար Մարզ
1923 – 1991
Azerbaijango SESaren oblast autonomoa
Geografia
Hiriburua	Stepanakert
Biztanleria	162.181
Azalera	4.338 km²
Historia
← Aurrekoak Azerbaijango SES Armenia Menditsuko Errepublika Ondorengoak → Karabakh Garaiko Errepublika Azerbaijan

SESBen apurketarekin batera gerra sortu zen eskualde honetan, Karabakh Garaiko gerra izenarekin ezagutzen dena. 2023rarte de jure Azerbaijanen esku zegoen eskualde hau de facto independientea zen eta Karabakh Garaiko Errepublika izena zuen, nahiz eta ez zuen inoiz lortu nazioarteko onarpenik.