Kanoiburu

Armagintzan, kanoiburua kanoiaren arimaren zabalgunea izaten da; jaurtigaia sartzen den lekua.[1]

Pistola baten kanoiburuaren diagrama. A: hutsik. B: Kargatua, kartutxoa eta perkutorea tiro egiteko prest.

Ezaugarriak

Fusil eta pistolek kanoiburu bakarra izaten dute, kanoiean bertan, ahoaren kontrako aldean; errebolberrek, berriz, aparteko danbor batean kanoiburu funtzioa egiten duten hainbat zulo dituzte. Honek esan nahi du fusil eta pistolek kargagailua kenduta tiro egin dezaketela; ez ordea errebolberrek, danborra kanpoan dutenean.[2]

Funtzioa

Kanoiburuan perkutoreak kartutxoaren tiro kapsula jotzen du; horrela lehergaia iziotzen da; gasek bala bere zorrotik aterarazten dute; honek bala kanoiaren ariman zehar kanpora jaurtitzen du.[3]

Kanoiburuaren birkarga

Su-armen bilakaeran kanoiburua munizioz birkargatzeko hainbat sistema garatu dira. Kanoiburutik eginiko lehen birkarga sistemak itsas artillerian erabili ziren, XVIII. mendean.[4]

XV. eta XVI. mendeetako su-armetan, jaurtigaiak berunezko esferak ziren. XIX. mende hasieran forma aerodinamikoagoak erabiltzen hasi ziren, zorro batera egokituak. Bala jaurtitzen zenean, zorroa kanoiburuan geratzen zen.[5]

Munizioa eskuz eragindako ixtailu batekin sar daiteke,[6] edo automatismoen bidez.[7]

Erreferentziak
  1. «kañoiburu | Eibarko euskara» www.eibarko-euskara.eus (Noiz kontsultatua: 2019-06-07).
  2. (Gaztelaniaz) «2 - Armas de fuego y municiones — Texas Parks & Wildlife Department» tpwd.texas.gov (Noiz kontsultatua: 2019-06-07).
  3. (Gaztelaniaz) «Definición de recámara — Definicion.de» Definición.de (Noiz kontsultatua: 2019-06-07).
  4. Smith, Kay Douglas.. (2005). The artillery of the Dukes of Burgundy, 1363-1477. Boydell Press ISBN 1843831627. PMC 60322326. (Noiz kontsultatua: 2019-06-07).
  5. (Ingelesez) Wallace, James Smyth. (2008-06-04). Chemical Analysis of Firearms, Ammunition, and Gunshot Residue. CRC Press ISBN 9781420069716. (Noiz kontsultatua: 2019-06-07).
  6. (Gaztelaniaz) «Mauser M98 | Excopesa» www.excopesa.es (Noiz kontsultatua: 2019-06-07).
  7. (Gaztelaniaz) Desenfunda. (2017-03-25). «Diferencia entre pistolas automáticas y semiautomáticas» Desenfunda Blog (Noiz kontsultatua: 2019-06-07).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.