Kanaan (Bibliako pertsonaia)

Kanaan (hebreeraz: כְּנַעַן‎ Kənā ' an), Bibliako Hasiera liburuko perstonaia da, Kam-en seme eta Noe-ren biloba.

Kanaan lurraldea
Artikulu hau Bibliako pertsonaiari buruzkoa da; beste esanahietarako, ikus «Kanaan (argipena)».

Antzinako historiografia judeo-kristauan, Kanaanen ondorengo edo kanaanitak, Kanaan Lurraldean jarri ziren bizitzen. Era berean, honako herrien arbaso izan ziren, eta Ekialde Hurbileko lurretan barreiatu ziren[1]:

  1. Sidoniarrak. Kanaanen lehen semea izan zen Sidon.
  2. Hititak, etimologikoki Het-en ondorengoak. Kanaanen bigarren semea izan zen Het.
  3. Jebustarrak.
  4. Amorritak.
  5. Girgaxtarrak
  6. Hibiarrak.
  7. Arkitarrak.
  8. Sindarrak.
  9. Arbadtarrak.
  10. Tzemartarrak.
  11. Hamatarrak.

Kanaanen madarikazioa

Biblian kontatzen denez, Kanaanen aita Kamek bekatu egin zuen aitona (Noe) biluzi ikusirik, eta bekatu horrengatik haserre, madarikazioa ezarri zion Noek Kanaani (Kami ezarri beharrean): «Madarikatua Kanaan: izan bedi bere senideen esklaboen esklabo». (Hasiera 9, 25).

Bibliaren aditu batzuek ikusten dute madarikazio horretan justifikazio bat nola gero Israelgo herriak (Abrahamen leinukoak) Kanaan konkistatu zuen, beraien aberria bertan ezartzeko.

Erreferentziak
  1. Has 10, 15 - BIBLIJA.net - Biblia interneten. (Noiz kontsultatua: 2018-01-30).

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.