Kaliforniako golkoa

Kaliforniako golkoa[1] (gaztelaniaz Golfo de California) Kaliforniako penintsula eta Mexiko ipar-ekialdeko Sonora eta Sinaloa estatuen artean kokaturiko Ozeano Bareko besoa da. Golkoak 1.203 kilometroko luzera eta 92 eta 222 kilometroen arteko zabalera ditu. Bere iparraldeko muturrean Colorado ibaiaren ahoa dago.

Kaliforniako golkoko uharte eta babesguneak1 UNESCOren gizateriaren ondarea
Mota	Naturala
Irizpideak	vii, ix, x
Erreferentzia	1182
Kokalekua	Mexiko
Eskualdea2	Latinoamerika eta Karibea
Izen ematea	2005 (XXIX. bilkura)
1 UNESCOk jarritako izen ofiziala (euskaratua) 2 UNESCOren sailkapena

Barnean, uharte asko ditu:

• Kalifornia Beherean: Ángel de la Guarda uhartea, Montague, Gore, Consag, El Huerfanito, Miramar, Coloradito, Encantada, Pómez, San Luis, Mejía, Granitos, Navío, Pelícano, Alcatraz, Coronadito, Smith, Pond, eta abar.
• Hego Kalifornia Beherean: Carmen, Cerralvo, Coronados, Espíritu Santo, Montserrat, Partida, San Diego, San Francisco, San José, San Marcos, Santa Catalina, Santa Cruz;
• Sonoran: Tiburón uhartea, Mexikoko handiena 1.208 km² azaleraz.

Bere kostaldetan dauden porturik nagusienak honako hauek dira:

• San Felipe
• La Paz
• San José del Cabo
• Puerto Peñasco
• Guaymas
• Santa Rosalía eta
• Topolobampo.

Hernan Cortesek gertuko Kaliforniari izena eman zuenean, golkoari ere izena jarri zion. Hala ere, bere kostaldetan beste izenak ditu: gaztelaniaz Mar de Cortés (Francisco de Ulloak 1539an Hernán Cortesen omenez asmatua) edo Mar Bermejo kiliwaz Ja’ Tay Eñoom (euskaraz Ekialdeko itsasoa), edo seriz Xepe (euskaraz Itsasoa).