Kaiman uharteak

Kaiman uharteen mapa

Kaiman uharteak Karibe itsasoaren mendebaldeko aldean daude, Kubatik 240 kilometrotara hegoalderantz eta Jamaikatik 290 kilometrotara ipar-ekialderantz. Uhartedia hiru uharte nagusi ditu:

• Kaiman handia (197 km²)
• Kaiman Brac (36 km²)
• Kaiman txikia (26 km²).

Uharteak lauak dira oso, lekurik altuena 40 metrotako The Bluff itsaslabarra (Kaiman Bracen) izaki.

Kristobal Kolonek, 1503eko maiatzaren 10ean, uharteak ikusteko lehendabiziko europarra zen, Amerikara bere laugarren bidaia egiten ari zela. Kolonek Las Tortugas (euskaraz Dortokak) izena jarri zien. 1586an Francis Drake uharteak bisitatzeko lehenengo britainiarra zen eta gaur egungo izena jarri zien. Espainiak, "1670eko Madrilgo Itunaren" bitartez, Erresuma Batuari uharteak eman zizkion Jamaikarekin batera.

1788an, Jamaikatik Erresuma Batura bidean zihoazten hamar itsasontzi uharteetan itsasperatu ziren eta bertokoek britainiarrei laguntza eman zieten. Hori zela eta, Erresuma Batuko George III.ak koloniari zergetatik salbuetsi zuen, egoera horrek orain arte dirau.

Britainiarrek XVIII eta XIX. mendeetan zehar uharteak kolonizatu zituzten. Jamaikako gobernuak 1863 urtetik Kaiman uharteak administratu zituen. 1962an Jamaikak independentzia lortu zuenean, Kaiman uharteak Erresuma Batuko itsasoz bestaldeko lurralde bihurtu ziren (Commonwealthen barne).

Kaiman uharteen barrutiak

Kaiman uharteak sei barrutietan banatuta daude:

1. Bodden Town.
2. Kaiman Brac (Kaiman Brac eta Kaiman txikiko barrutia).
3. East End.
4. George Town.
5. Kaiman txikia (Kaiman Brac eta Kaiman txikiko barrutia).
6. North Side.
7. West Bay.

Uharteek hamabost kideko Biltzarra legeak egiteko. Kideak lau urtero hautatzen dira, herri-bozkaren bitartez. Hamabostetik bost gobernurako hautatzen dira, buruzagi bat izaki (Leader of Government Business), gaur egun Kurt Tibbetts.

Erresuma Batuako gobernadorea aukeratzen du, erregina ordezkatzeko. Gaur egun Stuart Jack da.

Kaiman uharteak paradisu fiskaltzat dugu. Turismoa ere inportantea da uharteetan.

• (Ingelesez) CIA World Factbook
• (Ingelesez) Gobernuaren website ofiziala

Amerikako herrialde eta lurraldeak
Ipar Amerika eta Karibea	Estatu burujabeak: Ameriketako Estatu Batuak • Antigua eta Barbuda • Bahamak • Barbados • Belize • Costa Rica • Kuba • Dominika • Dominikar Errepublika • El Salvador • Grenada • Guatemala • Haiti • Honduras • Jamaika • Kanada • Mexiko • Nikaragua • Panama • Saint Kitts eta Nevis • Santa Luzia • Saint Vincent eta Grenadinak • Trinidad eta Tobago Dependentziak: Groenlandia (Danimarka) • Guadalupe ∙ Martinika ∙ Saint Barthelemy ∙ Saint Martin ∙ Saint Pierre eta Mikelune (Frantzia) • Aruba · Holandarren Antillak (Herbehereak) • Aingira · Bermuda · Birjina uharte britainiarrak · Kaiman uharteak · Montserrat · Turkak eta Caicoak (Erresuma Batua) • Puerto Rico · Birjina Uharte Estatubatuarrak (Ameriketako Estatu Batuak)	Hego Amerika	Estatu burujabeak: Argentina • Bolivia • Brasil • Txile • Kolonbia • Ekuador • Guyana • Paraguai • Peru • Surinam • Uruguai • Venezuela Dependentziak: Guyana Frantsesa (Frantzia) • Falklandak (Erresuma Batua)