Julius Axelrod

Julius Axelrod (New York, 1912ko maiatzaren 30a - Bethesda, Maryland, 2004ko abenduaren 29a) estatubatuar biokimikaria izan zen.

Julius Axelrod
Irudi gehiago
Bizitza
Jaiotza	New York, 1912ko maiatzaren 30a
Herrialdea	Ameriketako Estatu Batuak  Polonia
Bizilekua	Bethesda (Maryland) New York
Heriotza	Bethesda (Maryland), 2004ko abenduaren 29a (92 urte)
Hezkuntza
Heziketa	City College of New York (en) George Washington University Medical School (en) New Yorkeko Unibertsitatea Seward Park High School (en)
Hizkuntzak	poloniera ingelesa
Jarduerak
Jarduerak	kimikaria, neurozientzialaria, farmakologoa, zientzialaria, biokimikaria eta ikertzailea
Jasotako sariak	ikusi Canada Gairdner International Award  (1967) Medikuntzako Nobel Saria  (1970) Schmiedeberg Badge  (1978) Bristol-Myers Squibb Award for Distinguished Achievement in Neuroscience Research  (1989) Fellow of the American Academy of Arts and Sciences Foreign Member of the Royal Society  (1979ko apirilaren 26a) Ralph W. Gerard Prize  (1992)
Kidetza	Royal Society Alemaniako Zientzien Akademia Berlinen Arteen eta Zientzien Ameriketako Estatu Batuetako Akademia Ameriketako Estatu Batuetako Zientzien Akademia Nazionala Zientziak Aurrera Egiteko Elkarte Amerikarra
Sinesmenak eta ideologia
Erlijioa	ateismoa

Garrantzi handiko aurkikuntzak egin zituen nerbio-bulkadaren igorpenari buruz, eta Nobel Saria jaso zuen horregatik. Hamabost urtez industria kimikoko ikertzaile gisa lan egin zuen. 1955ean, National Institute for Medicine and Healtheko Farmakologia saileko buru egin zuten. Nerbio-bulkadari buruzko ikerketak egin zituen, mekanismo sinpatikoaren ezagutza sakondu zuen, eta noradrenalina eta beste zenbait gai aztertuz, guruin pinealean, hormonen metabolismoan parte hartzen duten entzimak aurkitu zituen. Efedrina, anfetamina eta metanfetamina alkaloideak aztertu zituen, eta untxien gibelean lehendabiziko biak katabolizatzen dituen entzima bat aurkitu zuen. 1970ean, Medikuntzako Nobel Saria eman zioten, nerbio-bulkadaren transmisioari, eta sinapsi kolinergikoan azetilkolinak gai neurotransmisore gisa izan dezakeen paperari buruz egin zituen ekarpenengatik.