Julio Jauregi Lasanta

Julio Jauregi Lasanta (Bilbo, 1910eko urtarrilaren 7a - Madril, 1981eko otsailaren 10a) bizkaitar politikaria izan zen. Zuzenbideko ikasketak egin zituen Deustuan eta ELA-STV sindikatuko abokatu izan zen ondoren. Gizarte Sailaren zuzendari izan zen Euzkadi agerkarian. 1936. urtean EAJ alderdiko diputatu hautatu zuten.

Julio Jauregi Lasanta
Espainiako Errepublikako Gorteetako diputatua 1936ko martxoaren 6a - 1939ko otsailaren 2a Barrutia: Bizkaia Hautetsia: 3rd legislature of the Second Spanish Republic (en) Espainiako senataria Espainiako Diputatuen Kongresuko diputatua
Bizitza
Jaiotza	Bilbo, 1910eko urtarrilaren 7a
Herrialdea	Bizkaia, Euskal Herria
Heriotza	Madril, 1981eko otsailaren 10a (71 urte)
Hezkuntza
Heziketa	Deustuko Unibertsitatea
Hizkuntzak	gaztelania
Jarduerak
Jarduerak	politikaria eta abokatua
Lantokia(k)	Madril

1937ko urtarrileko kolpisten aire erasoen ondoren Bilboko espetxeen kontra egin zen erasoa zela eta, Eusko Jaurlaritzako Justizia Sailak Jauregiri esleitu zion ustezko erasotzaileak atzeman eta epaitzeko ardura, ezkertiar alderdien oposizioaz, faxistatzat eta kolpisten laguntzat jotzen baitzuten. 61 pertsona atxilotzeko agindu zuen, batez ere milizianoak eta espetxeko funtzionarioak. Espainiar kolpisten okupazioak bertan behera utzi zuen epaiketa.[1]

Espainiako Gerra Zibilaren garaian Bizkaiko Defentsarako Batzordeko industriako komisarioa eta Eusko Jaurlaritzako Idazkari Nagusia izan zen Bartzelonan. Frantzian euskaldunen Ameriketarako emigrazioaz arduratu zen, baina polizia frantsesak atxilotu eta Ardècheko herrira bidali zuen ondoren. Mexikora jo zuen handik, eta bertan eman zuen argitara Acusaciones sin fundamento idazkia (1945). Erbestetik itzuli eta EAJko senatari izan zen 1979-1981 urteetan.