Julene Bouzo

Aitor Bouzo futbolariaren[3] eta Ainhoa Agirregomezkorta eskubaloi jokalariaren alaba, 7 urte zituela hasi zen azken kirol horretan jokatzen, Anaitasuna Ikastolaren eskubaloi taldean. Entrenamenduak amaituta, atletismoa egiten ari zirenak ikustera joaten zen eta hantxe piztu zitzaion kirol horrekiko jakinmina.[4] 10 urteko neskatoa zen atletismoan hasi zenean, modalitate desberdinetan arituz eta Ermuko Errotabarri eskubaloi taldean jokatzearekin tartekatu zuena.[5][6][7]

2017tik Bidezabal Durango Atletismo Taldeko kidea da.[8] Altuera-jauzian, besteak beste, 18 urtetik beherakoen modalitatean, 2020an Tarragonan ospatutako Espainiako Txapelketan brontzezko domina eskuratu zuen; 20 urtetik beherakoenean, 2021ean Antequeran burututakoan, zilarrezkoa eta urte berean Euskadiko txapelduna izan zen, azken biotan 1,70 metroko langaren gainetik saltatuz.[2][9][10][11][12]

2023an, 23 urtetik beherako nesken kategorian, Antequeran ospatutako Espainiako 37. Txapelketan brontzezko domina eskuratu zuen, 1,73n jarritako langa bigarren saiakeran gainditu ostean, sailkapenean bigarren geratutako atletarekin berdinduta.[13]

2023ko uztailan Tarragonan ospatutako 23 urtetik beherakoen Espainiako 38. Txapelketan brontzezko domina lortu zuen ere.[14][15]

• 2021ean Ermuko Mikologia taldeak urteko kirolari esanguratsuena bezala izendatu zuen eta urriko Jardunaldietan omendu zuten

• 2021ean Antequeran egindako jauziaren bideoa
• 2023an Tarragonan egindako jauziaren bideoa