Judith Weir

Judith Weir (Cambridge, Ingalaterra, 1954ko maiatzaren 11) eskoziar musikagilea da. Antzerki musikaleko partiturak idazteagatik da ezaguna.

Judith Weir
Master of the King's Music (en) 2014 - 2022
Bizitza
Jaiotza	Cambridge, 1954ko maiatzaren 11 (69 urte)
Herrialdea	Erresuma Batua
Hezkuntza
Heziketa	Queens' College (Cambridge) North London Collegiate School
Hizkuntzak	ingelesa
Jarduerak
Jarduerak	musikagilea, musikologoa, oboist (en) , musika-irakaslea eta libretista
Enplegatzailea(k)	Cardiffko Unibertsitatea
Lan nabarmenak	ikusi The Welcome Arrival of Rain (en)
Jasotako sariak	ikusi Britainiar Inperioko Ordenaren komendadorea Stoeger Prize  (1997) The Queen's Medal for Music  (2007) Britainiar Inperioko Ordenaren dama komendadorea  (2024)
Genero artistikoa	opera
Musika instrumentua	oboea
judithweir.com

John Tavernerrek eman zizkion musika-eskolak, eta Eskoziako Gazte Orkestran jo zuen gaztetan. Gero, Robin Hollowayrekin ikasi zuen Cambridgeko King's Collegen. Bere lehenbiziko piezek -Out of the Air (1976) eta King Harald's Saga (1979)- oso estilo pertsonala dute, eta geroagoko obretako hots-argitasuna eta pertzepzio dramatikoa antzematen dira. Musika-iturri baztertuak edo alternatiboak aztertu ditu bereziki: Txina, Serbia, Eskozia eta Espainiako herri-musika, besteak beste. Hori dela eta, pieza harrigarriak idatzi ditu, hala nola The Consolation of Scholarship (1985), A Night at the Chinese Opera (1987) eta Heaven Ablaze in His Breast (1989) drama musikalak eta The Vanishing Bridegroom (1990) eta Blond Eckbert (1994) operak. Bai konposizio horien bai obra instrumentalen bereizgarri da hizkuntza melodiko eta harmoniko berezia eta orkestrazio urria dutela.