Judea

Judea
Judea
Datu orokorrak
Mota	eskualde geografiko
Eponimoa	Juda
Geografia
Koordenatuak	31°41′56″N 35°18′23″E
Honen parte da	Israelgo Lurraldea
Ur-gorputza	Jordan; Itsaso Hila

Judea[1][2] (hebreeraz: יהודה‎, egungo ahoskera Yəhuda antzinako ahoskera Yəhûḏāh, "laudatua"; antzinako grezieraz: Ιουδαία, Ioudaía; latinez: Iudaea) Israelgo Lurraldea (hebreeraz: ארץ ישראל, Eretz Yisrael) eskualde historikoaren hegoalde menditsuaren izena da, egun Israel eta Zisjordania artean banatuta dagoena.

Izena

"Judea" izena Juda tribuaren greziera eta latinezko izenaren moldaketa da, hasieran bertan bizi zena eta gero Judeako Erresuma sortuko zuena. Erresuma sortu baino lehen Asmondarrek bere erresuma zuten eskualdean, Erromatar Inperioaren zuzendaritzapean. Mende asko pasa eta gero, Jordaniak Zisjordaniari Judea eta Samaria Eremua izendatu zuen eskualdea. Israeldarrek, berriz, "Yehudah" deitzen dute bere herrialdearen hegoaldeko aldea eta eskualde hau[3], nahiz eta mundu mailan onartu ez.

Kokapena

Jatorrizko mugak "Bethsûr" (Hebrondik gertu) hegoaldean, "Beth-horon" (egungo Palestinako Beit Ur al-Fauqa) iparraldean, Latrun muinoa edo Emaus (Jerusalemdik 22 kilometrotara) mendebaldean eta Jordan ibaia ekialdean ziren. Flavio Josefo historialariak, berriz, eskualdea zabaldu zuen: egungo Zisjordaniaren iparraldea eta hegoaldean Beer-Xevako eskualdea gehituz eta mugak Mediterraneoan eta Jordanen kokatuz.

31°41′56″N 35°18′23″E

Erreferentziak

Kanpo estekak

Datuak: Q104028
Multimedia: Judea / Q104028

120ko Erromatar Inperioko probintziak

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[1] Euskaltzaindia. Ekialde Hurbileko eta Ipar Afrikako toponimia. .

[2] Euskaltzaindia. (2004/XII/16). 142. araua: Antzinateko eskualdeen euskarazko izenak. Bilbo.

[3] Illegal Israeli actions in occupied East Jerusalem and the rest of the Occupied Palestinian Territory. Gurutze Gorria 1997/XI/13.