Juan de Fuca plaka

Juan de Fuca plaka Ipar Amerikako plakaren mendebaldeko ertzaren iparraldean subduzitzen den plaka tektoniko bat da. Juan de Fuca esploratzailearen izena darama. Hegoaldean, San Andres failarekin muga egiten du, eta, mendebaldean, Pazifikoko plakarekin. Juan de Fuca Plaka, hiru zatitan apurtu zen. Horietatik, erdialdeko zatia da Juan de Fuca izena daramana, hegoaldekoa, Gorda Plaka eta, iparraldekoa, Esploratzailearen Plaka deitzen diren bitartean, Nazcako plakarekin eta Cocosko plakarekin batera, Juan de Fuca plaka da Farallon plakaren azken hondarretako bat.

Juan de Fuca Plakaren mapa

Plaka honek, subduzitzean, Kaskadiako sumendi katea eratu du, Ozeano Bareko Suzko Eraztunaren zati dena, Ipar Amerikaren mendebaldeko kostaldearekin batera, Britainiar Kolunbiatik (Kanada) Kalifornia iparralderaino (Ameriketako Estatu Batuak).

Juan de Fuca plakan egon zen azken lurrikara handia Kaskadiako lurrikara izan zen, 9. mailakoa. Japoniako artxibategiak aztertuta, 1700eko urtarrilaren 26an gertatu zela ondorioztatu da.

Ikus, gainera

Plaka tektonikoen zerrenda

Kanpo estekak

Datuak: Q860385
Multimedia: Juan de Fuca tectonic plate / Q860385

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.